ٶسكەمەن قالاسىنىڭ تۇرعىنى ناتاليا كراسيلنيكوۆا 16 بالا تەربيەلەپ وتىر, دەپ حابارلايدى "ۇلت اقپارات".
8 ناۋرىز – حالىقارالىق ەيەلدەر كٷنٸ قارساڭىندا قالا ەكٸمٸ جاقسىلىق ومار باتىر انا ناتاليا كراسيلنيكوۆامەن كەزدەسٸپ, وعان «ٶسكەمەن قالاسىنىڭ قۇرمەتتٸ ازاماتى» اتاعىن بەردٸ.
«بٷكٸل ٶمٸرٸن باۋىر ەتٸ بالالارىنىڭ بولاشاعىنا ارناعان وتباسىن نىعايتىپ, قوعامنىڭ ادال, سىيلى, ەڭبەكقور مٷشەلەرٸن تەربيەلەگەن ادام ٷلكەن قۇرمەتكە لايىق! قالا تۇرعىندارى اتىنان ناتاليا اناتولەۆنانى مەرەكەسٸمەن قۇتتىقتادىم, - دەدٸ شاھار باسشىسى ٶزٸنٸڭ Instagram پاراقشاسىندا.
بۇدان بٶلەك جاقسىلىق ومار جاس سپورتشى اناستاسييا گورودكومەن كەزدەستٸ. جۋىقتا عانا ول فريستايلدىڭ موگۋل تٷرٸنەن فينلياندييادا ٶتكەن ەۋروپا كۋبوگىندا رەكوردتىق ۇپاي جيناپ, جەڭٸس تۇعىرىنان كٶتەرٸلگەن ەدٸ.
