15 qyrkúiekten bastap 150 myńnan astam adam emhanany tańdaý quqyǵyn paidalandy, dep habarlaidy "Ult aqparat" Áleýmettik meditsinalyq saqtandyrý qoryna silteme jasap.
Qordyń málimetinshe, 150 myńnan astam adamnyń 76 myńy emhanaǵa alǵash ret tirkelgen.
132 myńnan astam qazaqstandyq MSAK jeke menshik meditsina uiymyna, qalǵan 20 myńy memlekettik nysandy tańdaǵan.
«Emhanaǵa bekitilý qorytyndysy boiynsha meditsinalyq uiymdardy kelesi jylǵa qarjylandyrý kólemi qalyptastyrylady. Sondyqtan emhanany aýystyrǵan azamattar onda TMKKK jáne MÁMS boiynsha kómekti tek 2021 jylǵy 1 qańtardan bastap alady. Osy ýaqytqa deiin olarǵa burynǵy meditsinalyq uiymda qyzmet kórsetiledi», – dep túsindirdi qordyń baspasóz qyzmeti.
Bir qyzyǵy 169 myń azamat eldegi birde-bir emhanaǵa tirkelmegen.
Tirkeý naýqanyna barlyǵy 521 MSAK obektisi: 296 memlekettik uiym jáne 225 jeke menshik uiym qatysty. Olardyń barlyǵy densaýlyq saqtaý sýbektileriniń derekter qoryna tirkelgen.
Esterińizge sala keteiik, tirkeý kezinde emhanany tańdaýǵa bolady, sondai-aq jylyna bir ret ony aýystyrý quqyǵy bar. Eger adam turaqty nemese ýaqytsha turatyn jerin, jumys nemese oqý ornyn aýystyrsa, basqa eldi mekenge kóshse nemese ol turǵan emhana qaita uiymdastyrylsa nemese joiylsa da, basqa meditsinalyq uiymǵa tirkeledi.
