Foto: Aqorda
Memlekettik keńesshi Erlan Qarinniń tóraǵalyǵymen Shetelde kadrlar daiarlaý jónindegi respýblikalyq komissiianyń kezekti otyrysy ótti, dep habarlaidy "Kazinform".
Otyrysta 150 azamatqa «Bolashaq» halyqaralyq stipendiiasyn berý týraly sheshim qabyldandy. Osy sheshimge sáikes 120 stipendiant magistratýrada, 6 azamat doktorantýrada oqidy. Al 24 stipendiat álemniń ozyq ýniversitetteri men óndiris ortalyqtarynda taǵylymdamadan ótedi.
Komissiia músheleri qazir basymdyq berilip otyrǵan mamandyqtarǵa erekshe nazar aýdardy. Tiisinshe stipendiattardyń úshten ekisinen astamy jaratylystaný jáne tehnikalyq baǵyttar boiynsha bilim alady.
Sonymen qatar 33 azamat álemdegi ozyq ǵylymi-zertteý ortalyqtarynda ǵylymi taǵylymdamadan ótýge grant aldy. Jiyn barysynda Erlan Qarin ǵylymi taǵylymdamadan ótetin úmitkerlerdi Memleket basshysynyń biylǵy 2 qyrkúiekte jariialaǵan Joldaýyndaǵy ustanymdarǵa sáikes muqiiat irikteý qajettigine toqtaldy. Sondyqtan ǵylymi taǵylymdamaǵa memleket úshin asa mańyzdy ári ekonomikada joǵary suranysqa ie mamandar ǵana jiberiledi.
Jiyn sońynda Memlekettik keńesshi Erlan Qarin «Bolashaq» halyqaralyq stipendiiasyn jáne ǵylymi taǵylymdamalar baǵdarlamasyn iske asyrý úderisterin odan ári jetildirý jóninde naqty tapsyrmalar berdi. Munyń bári elimizdiń ǵylymi áleýetin damytý jolynda mańyzdy ról atqaratynyn atap ótti.
