Ulttyq qaýipsizdik komiteti Nur-Sultan politsiiasy, UQK Aqtóbe jáne Qaraǵandy oblystary boiynsha departamentterimen birlesip, asa iri mólsherdegi alaiaqtyqqa kúdikti adamdar tobyn ustady, - dep habarlaidy UQK baspasóz qyzmeti.
"Ózderin memlekettik organdardyń qyzmetkerleri dep tanystyryp, joǵary laýazymdy adamdar atyn jamylǵan teris piǵyldylar kásipkerge 1,5 million AQSh dollary somasy úshin ony memlekettik qurylymdardyń birine basshylyq laýazymǵa taǵaiyndaý máselesin sheship berýdi usynǵan.
Olar jalǵa alynǵan "premiým-klass" avtomashinalaryn paidalanǵan jáne jaldanǵan kúzettiń ilesip júrýimen astananyń elitalyq oryndarynda kezdesýler ótkizgen", - delingen habarlamada.
Aqparat boiynsha, 4 naýryzda Nur-Sultanda 30 million teńge mólsherinde aqshalai qarajattyń bir bóligin berý kezinde toptyń úsh qatysýshysy jáne Aqtóbe men Balqash qalalarynda taǵy ekeýi ustalǵan. Qazir sotaldy tergeý júrip jatyr.
Sýretter: QR UQK baspasóz qyzmeti
