Foto: pexels.com
Áleýmettik jelilerde 15 qyrkúiekten bastap karantin shekteýleri engiziletini jáne barlyǵyna maska taǵý rejimi engiziletini týraly aqparat tarady. Mamandar bul aqparatty joqqa shyǵardy, dep habarlaidy "Ult aqparat".
"Aralyp júrgen aqparat shyndyqqa janaspaidy", - delingen QR DSM Sanitariialyq-epidemiologiialyq baqylaý komitetiniń Telegram-daǵy resmi arnasynda.
QR Bas memlekettik sanitariialyq dárigeriniń mindetin atqarýshynyń epidemiialyq maýsym kezeńinde profilaktikalyq jáne epidemiiaǵa qarsy is-sharalardy júrgizýdi kózdeitin qaýlysyna sáikes biylǵy 15 qyrkúiekten bastap tumaýǵa qarsy vaktsinatsiia júrgizý bastalady.
Komitettegilerdiń aitýynsha, maska taǵý rejimi tek meditsinalyq uiymdardyń qyzmetkerleri úshin engiziledi.
Koronavirýs infektsiiasynyń jaǵdaiy baqylanyp otyr.
"Shyndyqqa janaspaityn aqparatty taratatyn adamdardyń is-áreketterine quqyqtyq baǵa berý úshin materialdar quqyq qorǵaý organdaryna berildi. Azamattardy resmi aqparat kózderindegi senimdi aqparatqa senýge shaqyramyz", - delingen komitet habarynda.
