15 qyrkúiek pen 15 qarasha aralyǵynda halyqty meditsinalyq-sanitarlyq kómek beretin uiymdarǵa tirkeý bastaldy. Bul týraly QR Densaýlyq saqtaý ministrliginiń resmi ókili Baǵdat Qojahmetov aityp berdi, dep habarlaidy "Ult aqparat".
"Qazaqstanda 15 qyrkúiekten bastap halyqty meditsinalyq-sanitarlyq kómek beretin uiymdarǵa tirkeý bastaldy. Ol eki aiǵa sozylady. Emhanalardyń densaýlyq saqtaý júiesine enýdiń altyn qaqpasy ekenin bilesizder. Sondyqtan, aldaǵy eki aida azamattarymyz turǵylyqty jeri boiynsha emhanalardy tańdai alady. Meilinshe, emhanany turǵylyqty jerge jaqyn mańnan tańdaýǵa keńes beremiz. Nege deseńiz, emhanaǵa tirkelgen naýqastardy meditsina mamandary únemi qadaǵalap, tipti úiine baryp kómek kórsetýge yńǵaily bolady. Ásirese, bul tájiribe qazirgidei pandemiia jaǵdaiynda asa mańyzdy. Tirkeý naýqanynan keiin azamattar kelesi jyldyń 1 qańtarynan bastap, Tegin meditsinalyq kómektiń kepildendirilgen kólemi aiasynda qyzmet alady jáne ol úshin Meditsinalyq áleýmettik saqtandyrý qory meditsinalyq uiymdarǵa aqy tóleidi. Biyl da bul azamattar tirkelgen emhanalarynda qor esebinen emdele alady", - dedi B. Qojahmetov Ortalyq kommýnikatsiialar qyzmetinde ótken brifingte.
