Qazaqstanda 2021 jyldyń 15 aqpanyna deiin Ulttyq jobalar ádistemesi ázirlenedi. Bul týraly Strategiialyq josparlaý jáne reformalar agenttiginiń tóraǵasy Qairat Kelimbetov aityp berdi, dep habarlaidy QazAqparat.
«Reformalar boiynsha Joǵary keńestiń tapsyrmalaryn oryndaý maqsatynda mynadai negizgi kúnderdi bekitý usynylady. 2021 jylǵy 10 aqpanǵa deiin Úkimet bekitken Jalpyulttyq basymdyqtar, Ulttyq damý jospary, Memlekettik basqarý tujyrymdamasy týraly jarlyqtar QR Prezidentiniń qol qoiýyna engiziledi Tujyrymdamany iske asyrýdyń tolyqqandy josparyn 2021 jylǵy 1 naýryzǵa deiin bekitken jón», - dedi Qairat Kelimbetov búgingi Úkimet otyrysynda.
Agenttik basshysy 2021 jylǵy 1 naýryzǵa deiin ulttyq jobalar tizbesin Prezidenttiń Jarlyǵymen bekitýdi, al jańa ulttyq jobalardy 2021 jylǵy 15 sáýirge deiin ázirleýdi usyndy. Sondai-aq memlekettik baǵdarlamalardy ulttyq jobalarǵa kóshýi turǵysynan taldaý júrgizý usynyldy.
«Bul rette 15 aqpanǵa deiin Ulttyq jobalardyń ádistemesi ázirlenedi jáne 1 naýryzǵa deiin túsindirý seminarlary ótedi», - dep qorytyndylady Qairat Kelimbetov.
