Densaýlyq saqtaý ministriniń birinshi orynbasary Marat Shoranov Qazaqstandaǵy EO múshe memleketterdiń diplomatiialyq ókildikteriniń ókilderimen yntymaqtastyqty talqylady, dep habarlaidy "Ult aqparat".
Marat Shoranov Eýropalyq Odaqqa múshe memleketterdiń Qazaqstan Respýblikasyndaǵy diplomatiialyq ókildikteriniń ókilderimen onlain-kezdesti.
Júzdesýde QR Densaýlyq saqtaý ministrligi men EO-ǵa múshe memleketter arasynda densaýlyq saqtaý jáne farmatsiia salasyndaǵy yntymaqtastyq jónindegi jumys tobyn qurý jáne Densaýlyq saqtaý ministrligi men Eýropalyq Odaq elderi arasyndaǵy 2021-2022 jyldarǵa arnalǵan Jol kartasynyń jobasy talqylandy.
«Ministrlik Eýropalyq Odaq elderimen densaýlyq saqtaý salasyndaǵy, ásirese COVID-19 pandemiiasymen kúreste seriktestikke úlken mán beredi. Epidemiia COVID-19 taralýyn toqtatýda halyqaralyq yntymaqtastyq, ózara is-qimyl jáne qoldaýdyń mańyzyn kórsetti», - dedi M.Shoranov.
Ol osy múmkindikti paidalana otyryp, COVID-19-ǵa qarsy kúreste gýmanitarlyq jáne konsýltativtik kómek kórsetkeni úshin Eýropalyq aimaq elderine alǵys aitty.
Birinshi vitse-ministrdiń pikirinshe, munyń bári uiymdar arasyndaǵy seriktestik qatynasty, sondai-aq pandemiiaǵa qarsy halyqaralyq yntymaqtastyqty kórsetedi.
Shoranov qazir Qazaqstanda óńirlerdegi shekteýlerdi kúsheitý nemese jeńildetý týraly sheshim epidemiologiialyq jaǵdaiǵa bailanysty qabyldanatynyn aitty.
Iaǵni, engizilgen qatań shekteý sharalarynyń arqasynda koronavirýs infektsiiasy boiynsha epidemiologiialyq jaǵdai turaqtaldy.
Sonymen qatar, qazir halyqqa test qoljetimdi, dári baǵasyn turaqtandyrý qory quryldy, naýqastarmen bailanysta bolǵan adamdarǵa monitoring júrgiziledi, aqparattyq tehnologiialar engizildi, halyqty aqparattandyrý boiynsha jumys jandandy, táýlik boiy rejimde Call-ortalyqtyń qyzmeti uiymdastyryldy.
1 aqpannan bastap Qazaqstanda halyqtyń tiisti toptaryna jatatyn koronavirýs infektsiiasyna qarsy vaktsinatsiia bastaldy.
Ol vaktsinanyń túsýin jáne halyqtyń túrli toptarynyń epidemiologiialyq mańyzyn eskere otyryp, kezeń-kezeńimen júrgiziledi.
«15 aqpannan bastap Qaraǵandy farmatsevtikalyq kesheniniń «V Spýtnik» vaktsinasy tirkeledi. Jańa koronavirýs infektsiiasyna qarsy vaktsinalardy qoldaný máselesin talqylaý úshin sheteldik seriktesterdi tartý isi belsendi júrgizilýde. Sondai-aq, «QAZCOVID-IN» otandyq inaktivtendirilgen vaktsinasyn ázirleý jumysy júrip jatyr. QR Densaýlyq saqtaý ministrligi men EO-ǵa múshe memleketter arasynda densaýlyq saqtaý jáne farmatsiia salasyndaǵy yntymaqtastyq boiynsha jumys tobyn qurýǵa múddelimiz», - dedi Shoranov.
Osyǵan bailanysty, QR men Eýropalyq Odaq arasyndaǵy 2025 jylǵa deiingi keńeitilgen bazalyq áriptestik týraly kelisimge sáikes, QR Densaýlyq saqtaý ministrligi densaýlyq saqtaý jáne farmatsiia jónindegi jumys toby sheńberinde birlesken yntymaqtastyqty jandandyrýǵa jáne MSAK, JTMQ, ǵylym jáne meditsinalyq bilim berý máseleleri, MJÁ tetigi boiynsha meditsinalyq obektiler qurylysy, qoǵamdyq densaýlyq saqtaý/sanitariialyq-epidemiologiialyq salaýattylyq, IT siiaqty baǵyttar boiynsha jol kartasyn oryndaýǵa múddeli.
