Sinoptikter 2017 jyldyń 15-17 aqpan aralyǵynda aýa raiy qandai bolatynyn aitty, dep habarlaidy "Ult aqparat" "Qazgidromet" RMK ókilderine silteme jasap.
"Atmosferalyq fronttyń eki júiesi respýblikanyń shyǵys aimaqtarynan joǵary ornalasqan tsiklonmen bailanysty. Osy fronttardyń Qazaqstan aýmaǵy arqyly ótýimen kóptegen oblystarda qar jaýyp, boran soǵyp, kúshti ekpindi jel bolady dep kútiledi. Aldaǵy kúnderde ońtústik jáne ońtústik-shyǵysta, ásirese taýly aýdandarda qatty jaýyn-shashyn bolady.", – delingen habarlamada.
Sonymen qatar, mamandardyń aitýynsha, Reseidiń Eýropalyq bóliginiń soltústik-batys aýdanynan atmosferalyq fronttardyń tý syrtyna, respýblikadaǵy aiazdy aýa raiyn ustap turatyn, úlken antitsiklon jyljyp keledi eken.
