Elimizde tótenshe jaǵdaidyń jariialanýyna bailanysty 1414 biryńǵai bailanys ortalyǵy qyzmetkerler sanyn 200-den 2000-ǵa deiin arttyrdy, dep habarlaidy QazAqparat.
Bul týraly QR Tsifrlyq damý, innovatsiialar jáne aeroǵarysh ónerkásibi vitse-ministri Abylaihan Ospanov aityp berdi.
«26 naýryzdan bastap elimizdiń barlyq óńirinde halyqqa qyzmet kórsetý ortalyqtary ýaqytsha jumysyn toqtatyp, Elektrondy úkimet portalyna aýystyryldy. Onlain qyzmet alý týraly halyqqa úzdiksiz keńes berý úshin 1414 biryńǵai bailanys ortalyǵynyń qyzmetkerler sany 200-den 2000-ǵa deiin kóbeidi», - dedi vitse-ministr Ortalyq kommýnikatsiialar qyzmetinde ótken brifingte.
Onyń aitýynsha, bul qyzmetke Azamattarǵa arnalǵan úkimet korporatsiiasynyń front-keńselerinde konsýltatsiia bergen mamandar tartylǵan.
«Bailanys ortalyǵyna habarlasa almaǵan azamattardyń shaǵymyn da estidik. Jai kúnderi 1414 nómirine bir kúnde túsken eń kóp qońyraý 25-30 myń aralyǵynda bolsa, qazirgi ýaqytta 600 myń qońyraýǵa deiin tirkeldi. Jyl basynan beri bul ortalyq 4 mln adamǵa keńes bergen», - dedi A. Ospanov.
Qazirgi ýaqytta barlyq memlekettik qyzmetterdiń 80 paiyzyn elektrondy túrde alýǵa bolady. Jyl sońyna deiin elektrondy qyzmetter úlesin 90 paiyzǵa jetkizý josparlanǵan. .
«Ótken jyly Elektrondy úkimet portalynda 47 mln astam qyzmet elektrondy túrde kórsetildi. Bul kórsetkish 2018 jylmen salystyrǵanda, 57 paiyzǵa artyq. Halyqqa qyzmet órsetý ortalyqtary men Azamattarǵa arnalǵan úkimet korporatsiiasynda byltyr 27 mln qyzmet kórsetildi. Bul 2018 jylǵy qyzmetten 4,5 mln-ǵa azyraq. Iaǵni, memlekettik qyzmetti onlain túrde alýshylar sany artyp keledi», - dedi Abylaihan Ospanov.
