ەلٸمٸزدە تٶتەنشە جاعدايدىڭ جارييالانۋىنا بايلانىستى 1414 بٸرىڭعاي بايلانىس ورتالىعى قىزمەتكەرلەر سانىن 200-دەن 2000-عا دەيٸن ارتتىردى, دەپ حابارلايدى قازاقپارات.
بۇل تۋرالى قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ ۆيتسە-مينيسترٸ ابىلايحان وسپانوۆ ايتىپ بەردٸ.
«26 ناۋرىزدان باستاپ ەلٸمٸزدٸڭ بارلىق ٶڭٸرٸندە حالىققا قىزمەت كٶرسەتۋ ورتالىقتارى ۋاقىتشا جۇمىسىن توقتاتىپ, ەلەكتروندى ٷكٸمەت پورتالىنا اۋىستىرىلدى. ونلاين قىزمەت الۋ تۋرالى حالىققا ٷزدٸكسٸز كەڭەس بەرۋ ٷشٸن 1414 بٸرىڭعاي بايلانىس ورتالىعىنىڭ قىزمەتكەرلەر سانى 200-دەن 2000-عا دەيٸن كٶبەيدٸ», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندە ٶتكەن بريفينگتە.
ونىڭ ايتۋىنشا, بۇل قىزمەتكە ازاماتتارعا ارنالعان ٷكٸمەت كورپوراتسيياسىنىڭ فرونت-كەڭسەلەرٸندە كونسۋلتاتسييا بەرگەن ماماندار تارتىلعان.
«بايلانىس ورتالىعىنا حابارلاسا الماعان ازاماتتاردىڭ شاعىمىن دا ەستٸدٸك. جاي كٷندەرٸ 1414 نٶمٸرٸنە بٸر كٷندە تٷسكەن ەڭ كٶپ قوڭىراۋ 25-30 مىڭ ارالىعىندا بولسا, قازٸرگٸ ۋاقىتتا 600 مىڭ قوڭىراۋعا دەيٸن تٸركەلدٸ. جىل باسىنان بەرٸ بۇل ورتالىق 4 ملن ادامعا كەڭەس بەرگەن», - دەدٸ ا. وسپانوۆ.
قازٸرگٸ ۋاقىتتا بارلىق مەملەكەتتٸك قىزمەتتەردٸڭ 80 پايىزىن ەلەكتروندى تٷردە الۋعا بولادى. جىل سوڭىنا دەيٸن ەلەكتروندى قىزمەتتەر ٷلەسٸن 90 پايىزعا جەتكٸزۋ جوسپارلانعان. .
«ٶتكەن جىلى ەلەكتروندى ٷكٸمەت پورتالىندا 47 ملن استام قىزمەت ەلەكتروندى تٷردە كٶرسەتٸلدٸ. بۇل كٶرسەتكٸش 2018 جىلمەن سالىستىرعاندا, 57 پايىزعا ارتىق. حالىققا قىزمەت ٶرسەتۋ ورتالىقتارى مەن ازاماتتارعا ارنالعان ٷكٸمەت كورپوراتسيياسىندا بىلتىر 27 ملن قىزمەت كٶرسەتٸلدٸ. بۇل 2018 جىلعى قىزمەتتەن 4,5 ملن-عا ازىراق. ياعني, مەملەكەتتٸك قىزمەتتٸ ونلاين تٷردە الۋشىلار سانى ارتىپ كەلەدٸ», - دەدٸ ابىلايحان وسپانوۆ.
