Almaty oblysynda 13,5 tonna ilespe qujatsyz dizel otynyn tasymaldaǵan kólik júrgizýshisi ustaldy, dep habarlaidy "Ult aqparat".
«Birlesken is-sharalar barysynda Qarasai aýdandyq memlekettik kirister basqarmasynyń, Almaty oblystyq melekettik kirister jáne ekonomikalyq tergeýler departamentteriniń qyzmetkerleri munai ónimderin zańsyz tasymaldaý men ainalymynyń jolyn kesý maqsatynda aýdan aýmaǵynda reidtik is-sharalar júrgizdi. Shara barysynda Qarasai aýdanynyń Kóksai aýylynda jalpy somasy 1 266 300 teńgege 13,5 tonna dizel otynyn ilespe qujatsyz tasymaldaǵan tirkemesi bar ZiL markaly avtokólik ustaldy», - delingen QR QM Memlekettik kirister komiteti taratqan aqparatta.
Vedomstvo málimetinshe, qazirgi ýaqytta ákimshilik zańnamaǵa sáikes kináli tulǵalardy jaýapkershilikke tartý máselesi sheshilip jatyr. Ákimshilik quqyq buzýshylyq týraly hattama jasalyp, materialdar Qarasai aýdanynyń mamandandyrylǵan aýdanaralyq ákimshilik sotyna jiberilgen.
