Qarjy monitoringi agenttigi uiymdasqan qylmystyq top jetekshisi Eldos Qospaev pen onyń sybailastaryna tiesili tárkilengen múlikterdi jariia etti, dep habarlaidy Ult.kz.
Agenttik usynǵan beinematerialda Almatydaǵy Nikolskii bazary, Almaty oblysyndaǵy iri sharýa qojalyǵyndaǵy sándi úi jáne kóptegen premiým sanattaǵy avtokólikter kórsetilgen.
Resmi málimetterge sáikes, Qospaevtyń toby zańsyz jolmen 133 jyljymaityn múlik, 11 jer telimi, 35 qymbat avtokólik jáne 9 million dollar kóleminde qolma-qol qarajatqa ie bolǵan.
"Qospaev Almaty oblysynda qujatsyz basseini men sport zaly bar sándi saiajai turǵyzyp, asyl tuqymdy jylqylar ósirgen jáne arystan men aiý sekildi jabaiy janýarlar ustaǵan haiýanattar baǵyn salǵan," – delingen agenttik málimdemesinde.
Tergeý derekterine sáikes, qylmystyq toptyń áreketteri saldarynan memleketke 9,2 milliard teńge shyǵyn keltirilgen.
