13 shilde Ulttyq aza tutý kúni dep jariialanady. Bul týraly respýblikalyq telearnalar arqyly elimizde qalyptasqan ahýalǵa bailanysty úndeý jasaǵan QR Prezidenti Qasym-Jomart Toqaev aitty, dep habarlaidy "Ult aqparat".
"Qabyldanǵan sharalar men meditsina qyzmetkerleriniń erliginiń arqasynda emdelip shyǵyp jatqan azamattardyń sany edáýir kóbeidi.
Kóptegen elderdegi jaǵdai bizden de qiyn.
Degenmen «Ár qazaq – meniń jalǵyzym» degendei, Ár azamatymyzdyń qazasy meniń júregime qatty batady. Mynaý alapat indet aramyzdan talai asyldarymyzdy julyp áketýde.
Búginde qara jamylyp otyrǵan azamattardyń qaiǵylaryna ortaqtasyp, kóńil aitamyn. Sol úshin 13 shildeni – Ulttyq aza tutý kúni dep jariialaimyn.
Biraq bizdiń kúresimiz jalǵasa beredi.
Bul indetti adamzat jýyq arada jeńe qoimas. Alaida ýaiym men qaiǵyǵa batyp, túrli qaýesetterge senip, eńsemizdi túsirýge taǵy da bolmaidy.
Salmaqty, sabyrly bolaiyq!
Bizdiń jumysymyz – aiqyn, qoǵam aldynda eshnárseni jasyrmai, ashyq aitamyz. Bolashaqta da solai bolady. Búkil kúsh jigerimizdi jinap, indetpen kúrese berýimiz kerek", dedi Memleket basshysy.
