2020 jyldyń qorytyndysy boiynsha 13 myń adam tarihi otanyna oralyp, qandas mártebesin aldy. 1991 jyldan bastap respýblikaǵa barlyǵy 1 mln. 70,3 myń etnikalyq qazaq keldi, dep habarlaidy QR Eńbek jáne halyqty áleýmettik qorǵaý ministrliginiń baspasóz qyzmeti.
Ótken jyly Qazaqstanǵa kelgen qandastardyń jartysynan kóbi (53,1%) QHR-dan, 31,3% – Ózbekstannan, 8,7% – Túrkimenstannan, 3,7% – Mońǵoliiadan jáne 3,3% – basqa elderden kelgen.
Kelgen etnikalyq qazaqtar negizinen Almaty (51,3%), Mańǵystaý (13,3%) jáne Túrkistan (5,6%) oblystarynda, sondai-aq Nur-Cultan (4,1%) jáne Shymkent (3,9%) qalalarynda qonystandy.
2020 jyldyń qorytyndysy boiynsha eńbekke qabiletti jastaǵy qonys aýdarýshylar sany 57,1%-dy, eńbekke qabiletti jastan kishi 31,9%-dy jáne zeinetkerler 11%-dy quraidy.
Aita ketý kerek, Nátijeli jumyspen qamtýdy jáne jappai kásipkerlikti damytýdyń 2017 – 2021 jyldarǵa arnalǵan «Eńbek» memlekettik baǵdarlamasy sheńberinde qandastarǵa jumys kúshi tapshy óńirlerge erikti túrde qonys aýdarý usynylady.
2020 jyly qandastardy qabyldaýdyń bekitilgen óńirlik kvotasyna sáikes 1,4 myńnan astam etnikalyq qazaq pen olardyń otbasy músheleri QR Úkimeti aiqyndaǵan óńirlerge: Aqmola, Atyraý, Batys Qazaqstan, Shyǵys Qazaqstan, Soltústik Qazaqstan, Qostanai, Pavlodar jáne Qaraǵandy oblystaryna turaqty turý úshin keldi:
Óńirlik kvotaǵa engizilgen qandastarǵa kóshýge (otbasynyń árbir múshesine 35 AEK-ten) bir rettik jáne turǵyn úidi jalǵa alýǵa jáne kommýnaldyq qyzmetterdi tóleýge (otbasyna 15-ten 30 AEK-ke deiin) ai saiynǵy shyǵystardy jabý boiynsha 12 ai ishinde sýbsidiia berý túrinde memlekettik qoldaý kórsetiledi.
Sondai-aq, memlekettik qoldaý:
– qonys aýdarýǵa járdemdesetin jumys berýshilerge sýbsidiialar (keminde úsh jyl merzimge turaqty jumysqa qabyldanǵan árbir jumysker úshin jáne keminde bes Baǵdarlamaǵa qatysýshy jumysqa ornalasqan kezde 450 AEK mólsherinde sýbsidiialar) berýdi;
– qajet bolǵan jaǵdaida tehnikalyq jáne kásiptik bilim alýǵa jáne qysqa merzimdi kásiptik kýrstarǵa (Baǵdarlamanyń birinshi baǵyty sheńberinde) jiberýdi;
– jańa biznes-ideialardy iske asyrýǵa 200 AEK deiingi mólsherde memlekettik granttar berýdi qamtidy.
