Elimizde 13 myńnan astam áleýmettik qyzmetker attestattaýdan ótedi. Bul týraly QR Eńbek jáne halyqty áleýmettik qorǵaý vitse-ministri Erlan Áýkenov aitty, dep habarlaidy QazAqparat.
«Sońǵy 5 jylda áleýmettik qyzmet kórsetýler boiynsha bul saladaǵy oń ilgerileýshilikti baiqap otyrmyz. Mundai uiymdardyń sany 20 paiyzǵa artty. Áleýmettik qyzmet kórsetýlerge arnalǵan memlekettik tapsyrys shyǵystary eki ese artyp, 2015 jylǵy 700 mln teńgeden biyl 1,5 mlrd teńgege jetip otyr. Qyzmet alýshylar kontingenti 92 myńnan 122 myń adamǵa deiin artty. Iaǵni, meditsinalyq-áleýmettik mekemeler túrli baǵytta jumys isteidi», - dedi vitse-ministr onlain formatta ótken vedomstvoaralyq komissiia otyrysynda.
Onyń atap ótýinshe, Aiagóz qalasyndaǵy arnaiy áleýmettik kómek ortalyǵynda 4 balanyń ólimi, Aqmola oblysyndaǵy qarttar úiinde koronavirýs saldarynan adam shyǵyny qabyldanatyn sharalardyń keshiktiriletindigin kórsetip otyr. Buǵan qosa, meditsinalyq-áleýmettik mekeme qyzmetkerleri men basshylyq quramy biliktiliginiń tómendigi de kórsetiletin qyzmetter sapasyna keri áserin tigizip otyr. Jalaqynyń tómendigi de bilikti mamandardyń bul salaǵa kelýine kedergi keltiredi.
«Osy jyldyń basynda Eńbek jáne halyqty áleýmettik qorǵaý ministrligi men Úkimet 25 myń qyzmetkerdiń jalaqysyna qoldaý kórsetti. Meditsinalyq-áleýmettik mekeme qyzmetkerleriniń jalaqysy 30 paiyzǵa artty. Jyl basynan 8,3 mlrd teńge bólindi. Degenmen, bul da bilikti kadrlardy tartýǵa jetkiliksiz bolyp tur», - dedi ol.
Osy oraida vitse-ministr biyl áleýmettik sala qyzmetkerleri attestattan ótetindigin aitty.
«Biyl QR Eńbek jáne halyqty áleýmettik qorǵaý ministrligi janyndaǵy Ulttyq resýrstyq ortalyqtyń kómegimen vedomstvomyz 13 myńnan astam áleýmettik qyzmetkerdi attestattaýdan ótkizýdi josparlap otyr. Bul qyzmetkerlerdiń kásibi biliktilik deńgeiin anyqtaýǵa jáne áleýmettik qyzmet jumystaryn uiymdastyrýda keshendi ádister ázirleýge negiz bolady», - dedi Erlan Áýkenov.
