ەلٸمٸزدە 13 مىڭنان استام ەلەۋمەتتٸك قىزمەتكەر اتتەستاتتاۋدان ٶتەدٸ. بۇل تۋرالى قر ەڭبەك جەنە حالىقتى ەلەۋمەتتٸك قورعاۋ ۆيتسە-مينيسترٸ ەرلان ەۋكەنوۆ ايتتى, دەپ حابارلايدى قازاقپارات.
«سوڭعى 5 جىلدا ەلەۋمەتتٸك قىزمەت كٶرسەتۋلەر بويىنشا بۇل سالاداعى وڭ ٸلگەرٸلەۋشٸلٸكتٸ بايقاپ وتىرمىز. مۇنداي ۇيىمداردىڭ سانى 20 پايىزعا ارتتى. ەلەۋمەتتٸك قىزمەت كٶرسەتۋلەرگە ارنالعان مەملەكەتتٸك تاپسىرىس شىعىستارى ەكٸ ەسە ارتىپ, 2015 جىلعى 700 ملن تەڭگەدەن بيىل 1,5 ملرد تەڭگەگە جەتٸپ وتىر. قىزمەت الۋشىلار كونتينگەنتٸ 92 مىڭنان 122 مىڭ ادامعا دەيٸن ارتتى. ياعني, مەديتسينالىق-ەلەۋمەتتٸك مەكەمەلەر تٷرلٸ باعىتتا جۇمىس ٸستەيدٸ», - دەدٸ ۆيتسە-مينيستر ونلاين فورماتتا ٶتكەن ۆەدومستۆوارالىق كوميسسييا وتىرىسىندا.
ونىڭ اتاپ ٶتۋٸنشە, اياگٶز قالاسىنداعى ارنايى ەلەۋمەتتٸك كٶمەك ورتالىعىندا 4 بالانىڭ ٶلٸمٸ, اقمولا وبلىسىنداعى قارتتار ٷيٸندە كوروناۆيرۋس سالدارىنان ادام شىعىنى قابىلداناتىن شارالاردىڭ كەشٸكتٸرٸلەتٸندٸگٸن كٶرسەتٸپ وتىر. بۇعان قوسا, مەديتسينالىق-ەلەۋمەتتٸك مەكەمە قىزمەتكەرلەرٸ مەن باسشىلىق قۇرامى بٸلٸكتٸلٸگٸنٸڭ تٶمەندٸگٸ دە كٶرسەتٸلەتٸن قىزمەتتەر ساپاسىنا كەرٸ ەسەرٸن تيگٸزٸپ وتىر. جالاقىنىڭ تٶمەندٸگٸ دە بٸلٸكتٸ مامانداردىڭ بۇل سالاعا كەلۋٸنە كەدەرگٸ كەلتٸرەدٸ.
«وسى جىلدىڭ باسىندا ەڭبەك جەنە حالىقتى ەلەۋمەتتٸك قورعاۋ مينيسترلٸگٸ مەن ٷكٸمەت 25 مىڭ قىزمەتكەردٸڭ جالاقىسىنا قولداۋ كٶرسەتتٸ. مەديتسينالىق-ەلەۋمەتتٸك مەكەمە قىزمەتكەرلەرٸنٸڭ جالاقىسى 30 پايىزعا ارتتى. جىل باسىنان 8,3 ملرد تەڭگە بٶلٸندٸ. دەگەنمەن, بۇل دا بٸلٸكتٸ كادرلاردى تارتۋعا جەتكٸلٸكسٸز بولىپ تۇر», - دەدٸ ول.
وسى ورايدا ۆيتسە-مينيستر بيىل ەلەۋمەتتٸك سالا قىزمەتكەرلەرٸ اتتەستاتتان ٶتەتٸندٸگٸن ايتتى.
«بيىل قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ جانىنداعى ۇلتتىق رەسۋرستىق ورتالىقتىڭ كٶمەگٸمەن ۆەدومستۆومىز 13 مىڭنان استام ەلەۋمەتتٸك قىزمەتكەردٸ اتتەستاتتاۋدان ٶتكٸزۋدٸ جوسپارلاپ وتىر. بۇل قىزمەتكەرلەردٸڭ كەسٸبي بٸلٸكتٸلٸك دەڭگەيٸن انىقتاۋعا جەنە ەلەۋمەتتٸك قىزمەت جۇمىستارىن ۇيىمداستىرۋدا كەشەندٸ ەدٸستەر ەزٸرلەۋگە نەگٸز بولادى», - دەدٸ ەرلان ەۋكەنوۆ.
