Búkilálemdik boks keńesi Gennadii Golovkinniń kezekti qarsylasyn anyqtady. GGG-diń endi argentinalyq Horhe Heiland (28-4-2, 15 KO) pen amerikalyq Djermall Charlo (25-0, 19 KO) arasyndaǵy kezdesýdiń jeńimpazymen judyryqtasady. Bul týraly vRINGe.com portaly ESPN Deportes portalyna silteme jasap habarlaidy.
Bul jekpe-jekte Búkilálemdik boks keńesiniń (WBC) belbeýi sarapqa salynady.
Eske salaiyq, Charlo buǵan deiin 69,9 keli salmaqtaǵy IBF tujyrymy boiynsha álem chempiony ataǵynan bas tartyp, orta salmaqqa aýysqanyn habarlaǵan edi. Ol óziniń sońǵy kezdesýin ótken jyldyń jeltoqsan aiynda ótkizip, Djýlian Ýilmstan ústem tústi.
Heiland bolsa birneshe ýaqyttan beri orta salmaqta WBC reitinginde kósh bastap keledi. Biraq áli de chempiondyq belbeý úshin jekpe-jek ótkizgen joq.
vRINGe.com portalynyń taratqan málimeti boiynsha, bul eki boksshy arasynda ótetin kezdesýdiń jeńimpazy aldaǵy ýaqytta qazaqstandyq boksshy Gennadii Golovkinmen kezdesý kerek bolady.
