بٷكٸلەلەمدٸك بوكس كەڭەسٸ گەنناديي گولوۆكيننٸڭ كەزەكتٸ قارسىلاسىن انىقتادى. GGG-دٸڭ ەندٸ ارگەنتينالىق حورحە حەيلاند (28-4-2, 15 كو) پەن امەريكالىق دجەرمالل چارلو (25-0, 19 كو) اراسىنداعى كەزدەسۋدٸڭ جەڭٸمپازىمەن جۇدىرىقتاسادى. بۇل تۋرالى vRINGe.com پورتالى ESPN Deportes پورتالىنا سٸلتەمە جاساپ حابارلايدى.
بۇل جەكپە-جەكتە بٷكٸلەلەمدٸك بوكس كەڭەسٸنٸڭ (WBC) بەلبەۋٸ ساراپقا سالىنادى.
ەسكە سالايىق, چارلو بۇعان دەيٸن 69,9 كەلٸ سالماقتاعى IBF تۇجىرىمى بويىنشا ەلەم چەمپيونى اتاعىنان باس تارتىپ, ورتا سالماققا اۋىسقانىن حابارلاعان ەدٸ. ول ٶزٸنٸڭ سوڭعى كەزدەسۋٸن ٶتكەن جىلدىڭ جەلتوقسان ايىندا ٶتكٸزٸپ, دجۋليان ۋيلمستان ٷستەم تٷستٸ.
حەيلاند بولسا بٸرنەشە ۋاقىتتان بەرٸ ورتا سالماقتا WBC رەيتينگٸندە كٶش باستاپ كەلەدٸ. بٸراق ەلٸ دە چەمپيوندىق بەلبەۋ ٷشٸن جەكپە-جەك ٶتكٸزگەن جوق.
vRINGe.com پورتالىنىڭ تاراتقان مەلٸمەتٸ بويىنشا, بۇل ەكٸ بوكسشى اراسىندا ٶتەتٸن كەزدەسۋدٸڭ جەڭٸمپازى الداعى ۋاقىتتا قازاقستاندىق بوكسشى گەنناديي گولوۆكينمەن كەزدەسۋ كەرەك بولادى.
