Foto: QR AShM baspasóz qyzmeti
Aýyl sharýashylyǵy ministrligine qarasty Jer resýrstaryn basqarý komitetiniń Aqtóbe oblysyndaǵy departamenti Alǵa aýdanynda alqaptardyń paidalanylýyna jospardan tys tekserý júrgizip shyqty, dep habarlaidy Aýyl sharýashylyǵy ministrliginiń baspasóz qyzmeti.
Tekserý nátijesinde egis jumystaryna arnalǵan 1600 gektar ýchaskeniń uzaq ýaqyt paidalanylmaǵany anyqtalyp otyr.
Departament jerdi igerý jáne anyqtalǵan zańbuzýshylyqtardy joiý týraly mindetti nusqama bergenimen, nusqama talaptary oryndalmaǵan.
Aýdandyq sottyń sheshimimen seriktestikke 100 ailyq eseptik kórsetkish mólsherinde ákimshilik aiyppul salyndy. Oblystyń mamandandyrylǵan aýdanaralyq ekonomikalyq soty departamenttiń jer ýchaskesin májbúrlep alyp qoiý týraly talabyn qanaǵattandyrdy. Sot sheshimi nátijesinde aýyl sharýashylyǵy maqsatyndaǵy shamamen 1200 gektar jer memlekettik menshikke qaitaryldy", dep habarlady Aýyl sharýashylyǵy ministrliginiń baspasóz qyzmeti.
