video kadry
Jambyl oblysynyń ortalyǵynda «Tarazenergoortalyǵy» mekemesiniń jumysshylary jalaqylaryn kóterýdi talap etip otyr. Búgin atalǵan mekeme ǵimaratynyń aldyna ondaǵan adam jinalyp, narazylyǵyn bildirdi, dep habarlaidy "Ult aqparat" Almaty.tv saityna silteme jasap.
Basty talap – jalaqyny kem degende 30 paiyzǵa kóterý. Qyzmetkerlerdiń aitýynsha, qazir olar 100-120 myń teńge ǵana alady. Biraq ol kúnkóriske jetkiliksiz.
«Barlyǵymyz 120 myń teńge ailyq alyp otyrmyz. Soǵan 10% qostyq deidi. Kúnkóris qazir qiyndap ketti ǵoi, 120 myń teńgemen kim ómir súre alady?» – deidi «Tarazenergoortalyǵynyń» qyzmetkeri Jomart Jumabekov.
«Meniń ailyǵym 128 myń teńge. Ózge kompaniianyń slesary 230 myń ailyq alady. Meniń ailyǵym bala-shaǵany baǵýǵa jetpeidi, 6 balam bar», – deidi «Tarazenergoortalyǵynyń» qyzmetkeri Jumaǵali Orazaliev.
Al mekeme basshylary biyl jalaqynyń mólsheri 10 paiyz óskenin aityp, jumysshylardy sabyr saqtaýǵa shaqyrdy. Qyzmetkerlerdiń ótingenindei ailyqty 30 paiyz kóterýge múmkindik joq, sebebi jalaqy mólsheri tarif qunyna táýeldi kórinedi.
«Jalaqyny 10 paiyz kóterdik, qanaǵattanbai, birden 30 paiyz kóterýdi surap jatyr. Ótinim berilgen soń másele qaralýy kerek. Jumysshylar narazylyq tanytty eken dep jalaqyny kótere salmaidy. Onyń bári tarifke bailanysty. Antimonopoliialyq komitet tarifti qymbattatýǵa múmkindik bermeidi. Usynysty áli qarastyramyz», – deidi «Tarazenergoortalyǵy» bas injeneriniń orynbasary Maqsat Sársenbaev.
video: Almaty TV News
