ۆيدەو كادرى
جامبىل وبلىسىنىڭ ورتالىعىندا «تارازەنەرگوورتالىعى» مەكەمەسٸنٸڭ جۇمىسشىلارى جالاقىلارىن كٶتەرۋدٸ تالاپ ەتٸپ وتىر. بٷگٸن اتالعان مەكەمە عيماراتىنىڭ الدىنا ونداعان ادام جينالىپ, نارازىلىعىن بٸلدٸردٸ, دەپ حابارلايدى "ۇلت اقپارات" Almaty.tv سايتىنا سٸلتەمە جاساپ.
باستى تالاپ – جالاقىنى كەم دەگەندە 30 پايىزعا كٶتەرۋ. قىزمەتكەرلەردٸڭ ايتۋىنشا, قازٸر ولار 100-120 مىڭ تەڭگە عانا الادى. بٸراق ول كٷنكٶرٸسكە جەتكٸلٸكسٸز.
«بارلىعىمىز 120 مىڭ تەڭگە ايلىق الىپ وتىرمىز. سوعان 10% قوستىق دەيدٸ. كٷنكٶرٸس قازٸر قيىنداپ كەتتٸ عوي, 120 مىڭ تەڭگەمەن كٸم ٶمٸر سٷرە الادى?» – دەيدٸ «تارازەنەرگوورتالىعىنىڭ» قىزمەتكەرٸ جومارت جۇمابەكوۆ.
«مەنٸڭ ايلىعىم 128 مىڭ تەڭگە. ٶزگە كومپانييانىڭ سلەسارى 230 مىڭ ايلىق الادى. مەنٸڭ ايلىعىم بالا-شاعانى باعۋعا جەتپەيدٸ, 6 بالام بار», – دەيدٸ «تارازەنەرگوورتالىعىنىڭ» قىزمەتكەرٸ جۇماعالي ورازاليەۆ.
ال مەكەمە باسشىلارى بيىل جالاقىنىڭ مٶلشەرٸ 10 پايىز ٶسكەنٸن ايتىپ, جۇمىسشىلاردى سابىر ساقتاۋعا شاقىردى. قىزمەتكەرلەردٸڭ ٶتٸنگەنٸندەي ايلىقتى 30 پايىز كٶتەرۋگە مٷمكٸندٸك جوق, سەبەبٸ جالاقى مٶلشەرٸ تاريف قۇنىنا تەۋەلدٸ كٶرٸنەدٸ.
«جالاقىنى 10 پايىز كٶتەردٸك, قاناعاتتانباي, بٸردەن 30 پايىز كٶتەرۋدٸ سۇراپ جاتىر. ٶتٸنٸم بەرٸلگەن سوڭ مەسەلە قارالۋى كەرەك. جۇمىسشىلار نارازىلىق تانىتتى ەكەن دەپ جالاقىنى كٶتەرە سالمايدى. ونىڭ بەرٸ تاريفكە بايلانىستى. انتيمونوپولييالىق كوميتەت تاريفتٸ قىمباتتاتۋعا مٷمكٸندٸك بەرمەيدٸ. ۇسىنىستى ەلٸ قاراستىرامىز», – دەيدٸ «تارازەنەرگوورتالىعى» باس ينجەنەرٸنٸڭ ورىنباسارى ماقسات سەرسەنباەۆ.
ۆيدەو: Almaty TV News
