2006 jyldan bastap osy ýaqytqa deiin Qazaqstan Tájikstanǵa 34,5 mln dollardyń gýmanitarlyq kómegin kórsetti. Bul týraly búgin Qazaqstannyń Tájikstandaǵy Tótenshe jáne Ókiletti Elshisi Nurlan Seitimov aitty, dep habarlaidy QazAqparat.
«2006 jyldan beri biz aqshamen eseptegende 34,5 mln AQSh dollary kóleminde gýmanitarlyq kómek kórsettik. Olar mazýt tsisternasy túrinde kórsetildi. Sońǵy ret 3,9 mln dollardyń kómegi berildi. Buǵan deiin tabiǵi apattan keiingi alǵashqy ýaqytta qiyn jaǵdaiǵa tap bolǵan halyqqa der kezinde kómek kórsetýge arnalǵan azyq-túlik, shatyrlar túrinde jetkizilgen edi», - dedi Nurlan Seitimov QR Syrtqy ister ministrliginde BAQ ókilderine arnalǵan baspasóz máslihatynda.
Onyń sózine qaraǵanda, Qazaqstan tájik eline turaqty túrde gýmanitarlyq kómek kórsetip keledi.
«Óitkeni, Tájikstan sel júrý, sý tasqyny, jer silkinisi syndy tabiǵi apattarǵa únemi tap bolyp jatady. Joldar jabylyp, turǵyndar qiyn jaǵdailarǵa dýshar bolady. Bizdiń elimiz sony bilgennen keiin turaqty túrde kómek berip keledi. Kómegimizdi tájik halqy óte joǵary baǵalaidy», - dedi Elshi.
