2006 جىلدان باستاپ وسى ۋاقىتقا دەيٸن قازاقستان تەجٸكستانعا 34,5 ملن دوللاردىڭ گۋمانيتارلىق كٶمەگٸن كٶرسەتتٸ. بۇل تۋرالى بٷگٸن قازاقستاننىڭ تەجٸكستانداعى تٶتەنشە جەنە ٶكٸلەتتٸ ەلشٸسٸ نۇرلان سەيتٸموۆ ايتتى, دەپ حابارلايدى قازاقپارات.
«2006 جىلدان بەرٸ بٸز اقشامەن ەسەپتەگەندە 34,5 ملن اقش دوللارى كٶلەمٸندە گۋمانيتارلىق كٶمەك كٶرسەتتٸك. ولار مازۋت تسيستەرناسى تٷرٸندە كٶرسەتٸلدٸ. سوڭعى رەت 3,9 ملن دوللاردىڭ كٶمەگٸ بەرٸلدٸ. بۇعان دەيٸن تابيعي اپاتتان كەيٸنگٸ العاشقى ۋاقىتتا قيىن جاعدايعا تاپ بولعان حالىققا دەر كەزٸندە كٶمەك كٶرسەتۋگە ارنالعان ازىق-تٷلٸك, شاتىرلار تٷرٸندە جەتكٸزٸلگەن ەدٸ», - دەدٸ نۇرلان سەيتٸموۆ قر سىرتقى ٸستەر مينيسترلٸگٸندە باق ٶكٸلدەرٸنە ارنالعان باسپاسٶز مەسليحاتىندا.
ونىڭ سٶزٸنە قاراعاندا, قازاقستان تەجٸك ەلٸنە تۇراقتى تٷردە گۋمانيتارلىق كٶمەك كٶرسەتٸپ كەلەدٸ.
«ٶيتكەنٸ, تەجٸكستان سەل جٷرۋ, سۋ تاسقىنى, جەر سٸلكٸنٸسٸ سىندى تابيعي اپاتتارعا ٷنەمٸ تاپ بولىپ جاتادى. جولدار جابىلىپ, تۇرعىندار قيىن جاعدايلارعا دۋشار بولادى. بٸزدٸڭ ەلٸمٸز سونى بٸلگەننەن كەيٸن تۇراقتى تٷردە كٶمەك بەرٸپ كەلەدٸ. كٶمەگٸمٸزدٸ تەجٸك حالقى ٶتە جوعارى باعالايدى», - دەدٸ ەلشٸ.
