Foto: ashyq derekkóz
Buzaqylyq nietpen jábirlenýshiniń densaýlyǵyna ortasha aýyrlyqtaǵy ziian keltirdi dep kúdikke ilingen azamat Birikken Arab Ámirlikterinen Qazaqstanǵa qaitaryldy. Bul týraly Bas prokýratýra habarlady.
2012 jyldyń 25 naýryzynda Temirtaý qalasynda oryn alǵan oqiǵada kúdikti jábirlenýshini sebepsiz birneshe ret soqqyǵa jyǵyp, onyń jaq súiegin eki jerinen syndyrǵan. Qylmystan keiin ol elden qashyp ketken.
12 jyldan keiin kúdikti Birikken Arab Ámirlikteriniń aýmaǵynda ustalyp, Dýbai qalasyndaǵy Qazaqstan elshiliginiń kómegimen, Bas prokýratýra men Ishki ister ministrliginiń qyzmetkerleri ony elge qaitardy.
Qazir ol Qazaqstan politsiiasyna tapsyrylyp, qylmystyq jaýapkershilikke tartý sharalary júrgizilip jatyr.
