Biyl zańsyz ainalymnan 12,5 tonna esirtki tárkilendi. Bul týraly Ishki ister ministrliginiń ókili Shuǵyla Turlybek aitty, dep habarlaidy QazAqparat tilshisi.
«Jyl basynan beri eki myńnan astam esirtki qylmysy anyqtaldy, onyń ishinde 1300 fakti esirtkini satý jáne 360-den astamy esirtkini asa iri kólemde saqtaýǵa qatysty. Zańsyz ainalymnan 12,5 tonna esirtki tárkilendi, onyń arasynda 5 keli geroin, 9,5 tonnaǵa tarta marihýana, 380 keli gashish, sondai-aq 110 keli sintetikalyq esirtki bar», - dedi Shuǵyla Turlybek Ishki ister ministrligi uiymdastyrǵan aptalyq brifingide.
Onyń aitýynsha, uiymdasqan 8 qylmystyq toptyń joly kesildi jáne 14 jasyryn esirtki zerthanasynyń zańsyz qyzmeti joiyldy.
