1,2 mln-nan astam qazaqstandyq «42 500 teńge» birjolǵy tólemin aldy, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
«22 shilde saǵat 9.00-degi jaǵdai boiynsha shilde aiynda shekteý sharalaryn engizýge bailanysty tabysynan aiyrylǵan jaǵdaida Memlekettik áleýmettik saqtandyrý qorynan eń tómengi jalaqy – 42 500 teńge mólsherinde birjolǵy tólem taǵaiyndaýǵa azamattardan 1 mln 730 myń ótinish qabyldandy. Tólem 1 mln 309 myń adamǵa taǵaiyndaldy. Aqshalai qarajat 1 mln 122 myń qazaqstandyqqa aýdaryldy», delingen habarlamada.
1 million 730 myń ótinimniń ishinde:
– 782,87 myń adam proaktivti formatta tólem taǵaiyndaýǵa kelisim berdi;
– 423 myń adam Egov.kz portaly jáne Telegram bot rqyly;
– 146,1 myń adam 42500.enbek.kz portaly arqyly;
– 378 myń adam ekinshi deńgeidegi bankterdiń mobildi qosymshacy men internet resýrsy arqyly ótinish bergen.
Azamattardyń sanattary bólinisinde:
– 782,87 myń ótinish biryńǵai jiyntyq tólem tóleýshilerden berildi (proaktivti formatta);
– 92,86 myń ótinishti jaldamaly qyzmetkerleri úshin jumys berýshiler berdi;
– 854,4 myń ótinish azamattardyń basqa sanattarynan kelip tústi (jeke kásipkerler; jeke praktikamen ainalysatyn adamdar; azamattyq-quqyqtyq sipattaǵy sharttar boiynsha tabys alatyn jeke tulǵalar).
Esterińizge sala keteiik, Memleket basshysynyń tapsyrmasy boiynsha 2020 jyldyń shilde aiynda karantindik sharalardyń engizilýine bailanysty jumys istep jatqan qazaqstandyqtarǵa tabysy tolyq joǵalǵan jaǵdaida bir eń tómengi jalaqy – 42 500 teńge mólsherinde birjolǵy tólem júzege asyrylatyn bolady.
