2019 jyly jasalǵan salyqtyq raqymshylyqtyń arqasynda 1,24 mln adamnyń 60,9%-y qaryzyn ótegen, dep habarlaidy "Ult aqparat" Qarjy ministrligi Memlekettik kirister komitetiniń baspasóz qyzmetine silteme jasap.
2019 jylǵy ósimpuldy esepten shyǵarý aktsiiasy kezinde 1,24 mln jeke tulǵanyń 20,1 mlrd negizgi jáne 6,5 mlrd teńge ósimpul bereshegi bolǵan. Olardyń ishinde 755,7 myń jeke tulǵa búginde salyq raqymshylyǵyn paidalanyp, qaryzyn japty. Boryshkerler 15,9 mlrd teńge mólsherindegi negizgi qaryzdy ótegeni úshin olardan 3,1 mlrd teńge ósimpul alynyp tastaldy.
«Degenmen áli kúnge deiin jalpy boryshkerlerdiń 30,1% salyq qaryzyn tólemegen. Olardyń negizgi bereshegi - 6,2 mlrd teńge, ósimpul somasy - 3,4 mlrd teńgeni qurap otyr.
2020 jylǵy 1 qańtardaǵy jaǵdai boiynsha 1 350 azamattyń negizgi qaryz somasy 1 mln teńgeden assa, jeke tulǵalardyń jiyntyq qaryzy 6,8 mlrd teńgeni qurap otyr. Onyń ishinde negizgi qaryz - 4,2 mlrd teńge, ósimpul - 2,6 mlrd teńge», delingen atalmysh komitettiń baspasóz qyzmeti taratqan málimette.
Aita keteiik, 2020 jyldyń 6 sáýirinde Memleket basshysy Úkimetke 2020 jyly múlik, jer jáne kólik quraldary salyǵy boiynsha jeke tulǵalarǵa salyqtyq raqymshylyq jasaýdy qaita júrgizýdi tapsyrǵan bolatyn. Atalǵan zań jobasyna Prezident Qasym-Jomart Toqaev 2020 jyldyń 2-shildesinde qol qoidy.
Salyq raqymshylyǵynyń basty sharty - negizgi salyq qaryzy somasy tólense, onda ósimpul salynbaidy. Boryshtyń naqty somasy ótelgen kezeńde ósimpul avtomatty túrde esepten shyǵarylady. Osyǵan sáikes, memlekettik kirister organdarynyń barlyq aýmaqtyq bólimshelerinde ósimpuldy esepten shyǵarý jónindegi komissiialar qurylatyn bolady.
Salyqtyq raqymshylyq jasaý merzimi - 2020 jyldyń 31 jeltoqsanyna deiin jalǵasady.
Boljam boiynsha, atalǵan jeńildikti shamamen 1,2 mln azamat paidalanady dep kútilýde. Jalpy biýdjetke túsetin kiris - 12,7 mlrd teńge, al esepten shyǵarylatyn ósimpul somasy - 4,3 mlrd teńgeni quraityn bolady.
