Aqmola oblysynyń arnaiy prokýrorlary «Tsentr plova Loft» kafesindegi qaiǵyly órtke qatysty qylmystyq isti tergep-tekserýdi aiaqtady, dep habarlaidy ult.kz.
Eske salsaq, 2026 jylǵy 26 aqpanda gaz ballony jarylyp, artynan órt shyqqan bolatyn. Qaiǵyly oqiǵa saldarynan 12 adam qaza taýyp, taǵy 11 adam túrli dárejedegi dene jaraqatyn alǵan. Sonymen qatar ǵimarat iesine asa iri kólemde materialdyq shyǵyn keltirilgen.
Tergeý nátijesinde qylmystyq jaýapkershilikke kafeni jalǵa alýshy, avtogaz quiý stantsiiasynyń direktory jáne gaz jetkizýmen ainalysqan tulǵa tartylyp otyr.
Olardyń áreketteri Qylmystyq kodekstiń 292-babynyń 3-bóligi (órt qaýipsizdigi talaptaryn buzý) jáne 306-babynyń 3-bóligi (qaýipsizdik talaptaryna sai kelmeitin qyzmet kórsetý) boiynsha saralanǵan.
Arnaiy prokýrorlardyń málimetinshe, tergeý barysynda qaýipsizdik talaptarynyń buzylýy men oryn alǵan aýyr zardaptar arasynda tikelei sebep-saldarlyq bailanys anyqtalǵan.
Qazir qylmystyq is boiynsha materialdar sotqa joldanǵan. Is boiynsha túpkilikti sheshimdi sot qabyldaidy.
