Pavlodar oblysynda 1171 turǵyn tótenshe jaǵdai rejimin buzǵan, dep habarlaidy Polisia.kz.
Koronavirýs taralýyn boldyrmaý, sondai-aq azamattardyń ómiri men densaýlyǵyn saqtaý maqsatynda Pavlodar oblysynyń bas memlekettik sanitarlyq dárigeriniń sheshimimen 2020 jyly 13 sáýirde Pavlodar oblysynda karantindik rejim engizildi.
Sonymen qatar, tótenshe jaǵdai jariialanýyna bailanysty keibir nysandardyń qyzmeti toqtatyldy. Tártip saqshylary únemi karantindik aýmaqty kúzetedi.
Ýspen aýdanynyń aýyldarynyń birinde saǵat 17-30-da ashananyń jumys isteý faktisi anyqtaldy. Tótenshe jaǵdaidyń jariialanýyna bailanysty memlekettik organ belgilegen talaptardy buzyp, adamdardyń kóp shoǵyrlanýy bar obektilerdiń qyzmetin toqtata turǵany úshin QR Ákimshilik quqyq buzýshylyq týraly kodekstiń 476-baby boiynsha 51 jastaǵy obekt iesine qatysty ákimshilik material toltyryldy. Sot sheshimimen aýyl turǵyny 10 AEK aiyppul túrinde jaýapkershilikke tartyldy.
Oblys turǵyndary tótenshe jaǵdaidyń jariialanýyna bailanysty 1 171 rejimdi buzǵan jáne memlekettik organ belgilegen talaptardy saqtamaǵan.
Buzýshylar QR ÁQBtK 476 jáne 478-baptary boiynsha ákimshilik jaýapkershilikke tartylady. 109 adam bes kúnnen 10 kúnge deiin ákimshilik qamaýǵa alyndy, 206 oblys turǵynynyń árqaisysyna 10 AEK mólsherinde aiyppul salyndy, 712 adamǵa eskertý jasaldy. Politsiia qyzmetkerleri turǵyndardy densaýlyǵyna muqiiat bolýǵa jáne karantindik rejimdegi azamattardyń tártibi men qaýipsizdigin qamtamasyz etý qajettiligine bailanysty shekteýlerdi túsinýge shaqyrady.
