113 qazaqstandyq «Bolashaq» halyqaralyq stipendiiasynyń iegeri atandy. Sheshim QR Memlekettik hatshysy Qyrymbek Kósherbaevtyń tóraǵalyǵymen Shetelde kadrlar daiarlaý jónindegi respýblikalyq komissiianyń kezekti otyrysynda qabyldandy, dep habarlaidy QR Bilim jáne ǵylym ministrliginiń baspasóz qyzmeti.
Konkýrstyq irikteýden ótken stipendiattar endi magistratýra men doktorantýrada oqidy nemese álemniń jetekshi joǵary oqý oryndarynda Qazaqstanda suranysqa ie mamandyqtar boiynsha taǵylymdamadan ótetin bolady.
Esterińizge sala keteiik, «Bolashaq» stipendiiasyn taǵaiyndaý úsh ret ótkizilip, qorytyndysy maýsym, tamyz jáne qarasha ailarynda shyǵarylady.
«Stipendiialar meditsina, jaratylystaný jáne áleýmettik ǵylymdar, bilim berý, innovatsiialar men jańa tehnologiialar, kreativti indýstriia, sondai-aq indýstriialyq injeneriia baǵyttary boiynsha bólingen. 2021 jyly «Bolashaq» baǵdarlamasy boiynsha oqýǵa barlyǵy 1055 stipendiia bólindi, onyń ishinde 555 stipendiia magistratýra, rezidentýra, doktorantýra baǵdarlamalary boiynsha berildi. Sonymen qatar biyl alǵash ret «Ǵalymdar» taǵylymdamasynyń jańa sanaty boiynsha 500 stipendiia bólindi. Atalǵan sanat Memleket basshysy Q.Toqaevtyń tapsyrmasy boiynsha quryldy. Bul shyn máninde buryn-sońdy bolmaǵan shara. Endi jyl saiyn elimizdiń 500 ǵalymy álemniń jetekshi ǵylymi ortalyqtarynda taǵylymdamadan ótip, sonyń ishinde osy ortalyqtardyń zerthanalarynda birlesken zertteýler júrgize alady. Biz ǵalymdarymyzdy belsendilik tanytyp, shákirtaqy taǵaiyndaýǵa qatysýǵa shaqyramyz», – dedi Bilim jáne ǵylym vitse-ministri Qýanysh Erǵaliev.
Esterińizge sala keteiik, «Bolashaq» halyqaralyq stipendiiasyn taǵaiyndaý konkýrsyna qatysý úshin qujattardy qabyldaý 4 mamyrdan bastalyp, 28 qazanǵa deiin jalǵasady.
