113 قازاقستاندىق «بولاشاق» حالىقارالىق ستيپەنديياسىنىڭ يەگەرٸ اتاندى. شەشٸم قر مەملەكەتتٸك حاتشىسى قىرىمبەك كٶشەرباەۆتىڭ تٶراعالىعىمەن شەتەلدە كادرلار دايارلاۋ جٶنٸندەگٸ رەسپۋبليكالىق كوميسسييانىڭ كەزەكتٸ وتىرىسىندا قابىلداندى, دەپ حابارلايدى قر بٸلٸم جەنە عىلىم مينيسترلٸگٸنٸڭ باسپاسٶز قىزمەتٸ.
كونكۋرستىق ٸرٸكتەۋدەن ٶتكەن ستيپەندياتتار ەندٸ ماگيستراتۋرا مەن دوكتورانتۋرادا وقيدى نەمەسە ەلەمنٸڭ جەتەكشٸ جوعارى وقۋ ورىندارىندا قازاقستاندا سۇرانىسقا يە ماماندىقتار بويىنشا تاعىلىمدامادان ٶتەتٸن بولادى.
ەستەرٸڭٸزگە سالا كەتەيٸك, «بولاشاق» ستيپەنديياسىن تاعايىنداۋ ٷش رەت ٶتكٸزٸلٸپ, قورىتىندىسى ماۋسىم, تامىز جەنە قاراشا ايلارىندا شىعارىلادى.
«ستيپەندييالار مەديتسينا, جاراتىلىستانۋ جەنە ەلەۋمەتتٸك عىلىمدار, بٸلٸم بەرۋ, يننوۆاتسييالار مەن جاڭا تەحنولوگييالار, كرەاتيۆتٸ يندۋسترييا, سونداي-اق يندۋسترييالىق ينجەنەرييا باعىتتارى بويىنشا بٶلٸنگەن. 2021 جىلى «بولاشاق» باعدارلاماسى بويىنشا وقۋعا بارلىعى 1055 ستيپەندييا بٶلٸندٸ, ونىڭ ٸشٸندە 555 ستيپەندييا ماگيستراتۋرا, رەزيدەنتۋرا, دوكتورانتۋرا باعدارلامالارى بويىنشا بەرٸلدٸ. سونىمەن قاتار بيىل العاش رەت «عالىمدار» تاعىلىمداماسىنىڭ جاڭا ساناتى بويىنشا 500 ستيپەندييا بٶلٸندٸ. اتالعان سانات مەملەكەت باسشىسى ق.توقاەۆتىڭ تاپسىرماسى بويىنشا قۇرىلدى. بۇل شىن مەنٸندە بۇرىن-سوڭدى بولماعان شارا. ەندٸ جىل سايىن ەلٸمٸزدٸڭ 500 عالىمى ەلەمنٸڭ جەتەكشٸ عىلىمي ورتالىقتارىندا تاعىلىمدامادان ٶتٸپ, سونىڭ ٸشٸندە وسى ورتالىقتاردىڭ زەرتحانالارىندا بٸرلەسكەن زەرتتەۋلەر جٷرگٸزە الادى. بٸز عالىمدارىمىزدى بەلسەندٸلٸك تانىتىپ, شەكٸرتاقى تاعايىنداۋعا قاتىسۋعا شاقىرامىز», – دەدٸ بٸلٸم جەنە عىلىم ۆيتسە-مينيسترٸ قۋانىش ەرعاليەۆ.
ەستەرٸڭٸزگە سالا كەتەيٸك, «بولاشاق» حالىقارالىق ستيپەنديياسىن تاعايىنداۋ كونكۋرسىنا قاتىسۋ ٷشٸن قۇجاتتاردى قابىلداۋ 4 مامىردان باستالىپ, 28 قازانعا دەيٸن جالعاسادى.
