Almatyda zańsyz internet-kazinolardyń tólem infraqurylymyn qamtamasyz etken kúdiktiler toby anyqtaldy. Oiynshylardan 16 dropperdiń shotyna 110 mln teńgeden astam qarajat túsken, dep habarlaidy ult.kz.
Qarjylyq monitoring agenttiginiń málimetinshe, kúdiktiler Olymp Casino, Rukh Poker jáne 7Kcasino internet-kazinolarynyń tólem júiesin uiymdastyrǵan. Aqsha aýdarymdary Rocket.do platformasy arqyly óńdelgen.
Tergeý deregine sáikes, top músheleriniń biri shetel azamattaryna 200 dollarǵa deiin syiaqy usynyp, olardyń bank shottaryna qol jetkizgen. Ol dropperlerdi Qazaqstanǵa ákelip, JSN alýǵa jáne bank shottaryn ashýǵa kómektesken.
Nátijesinde kúdikti 15 shetel azamatynyń shotyn jáne óziniń shotyn paidalanǵan.
Kúdiktilerdiń biri qamaýǵa alyndy, taǵy úsheýi eshqaida ketpeý týraly qolhatpen bosatyldy. Qylmystyq is sotqa joldandy.
QMA ózge málimetter QPK-niń 201-babyna sáikes jariia etilmeitinin habarlady.
