«Balaǵa laiyq» aktsiiasynyń aralyq qorytyndysy shyǵaryldy. Bir aida QR BǴM Balalardyń quqyqtaryn qorǵaý komitetine 110 nysandaǵy sáikessizdikter týraly 1 000-nan astam habarlama tústi. Shaǵymdardyń basym bóligi mektepterdegi sanitarlyq-gigienalyq jaǵdaiǵa, naqtyraq aitqanda, gigienalyq quraldardyń, jýynatyn bólmelerde qalqalardyń bolmaýy, dárethana kabinalaryndaǵy esikterdiń durys jumys istemeýi jáne t.b. kemshilikterge qatysty, dep habarlaidy ministrliktiń baspasóz qyzmeti.
Aýladaǵy mektep dárethanalary týraly 3 habarlama tústi.
Buǵan deiin Balalardyń quqyqtaryn qorǵaý komiteti qazaqstandyq oqýshylarmen jáne ata-analarmen birlesip, mektep ájethanalary men ashanalaryndaǵy kemshilikterdi anyqtaý, mektepterdi jabdyqtaý jáne olardy ustaýǵa qarjy alatyn ákimdiktermen birlesip, eskertýlerdi joiý maqsatynda «Balaǵa laiyq» aktsiiasyn bastaǵan bolatyn.
«Aktsiianyń birinshi kezeńi aiaqtaldy. Jumysty belsendi júrgizý úshin barlyq oblystyń bilim basqarmalarymen, balalar ókildikterimen onlain kezdesýler ótkizildi. Bilim berý uiymdarynda kez kelgen ájethana men ashananyń foto-videosyn jibere alatyn messendjerlerdiń QR-kodtary bar býkletter taratyldy. Aktsiiaǵa oqýshylar men ata-analar belsendi qatysty. Mektepter men olardy qarjylandyrý ákimdikterdiń quzyretinde bolǵandyqtan bilim ordalarynyń sanitarlyq-turmystyq jaǵdaiy men ashanalarynyń jai-kúiine qatysty barlyq shaǵym ákimdikterge jiberildi. Olarǵa aktsiia kezinde anyqtalǵan kemshilikter men eskertýlerdi joiýǵa ýaqyt berildi. Olar 1 qyrkúiekke deiin, iaǵni jańa oqý jyly bastalǵanǵa deiin jiberilgen qateliktermen jumys isteýi kerek. Ákimdikter kemshilikterdi joiǵannan keiin Instagram-daǵy @balaga.laiyq paraqshasynda mektep ájethanalary men ashanalarynyń «deiingi jáne keiingi» fotolary men videolary jariialanady», - dedi QR BǴM Balalardyń quqyqtaryn qorǵaý komitetiniń tóraǵasy Esenǵazy Imanǵaliev.
Odan bólek, oqýshylar men ata-analar talapqa sai keletin jýynatyn bólmeler men ashanalardyń foto jáne videolaryn joldaǵanyn aita ketý kerek.
Sonymen qatar balalardyń quqyqtaryn qorǵaýǵa qatysty da ótinishter tústi. Komitet barlyq qajetti jumysty júrgizdi.
Aktsiianyń ekinshi kezeńi jańa oqý jylynyń basynda bastalady.
QR BǴM Balalardyń quqyqtaryn qorǵaý komiteti mektep dárethanalary men ashanalaryna monitoring júrgizýge arnalǵan «Balaǵa laiyq» respýblikalyq aktsiiasyn bir ai buryn bastaǵan bolatyn. Aktsiia «Mekteptiń jaqsarýyna kómektes!» uranymen ótip jatyr. Sondai-aq ol jyly dárethanalary joq, balalar úshin sanitarlyq-gigienalyq jaǵdailar jasalmaǵan bilim berý uiymdaryn anyqtaýǵa baǵyttalǵan. Monitoring jazalaý úshin emes, mektepterdi balalarǵa qajetti jaǵdai jasaýǵa tartý úshin júrgizilip otyr. Bul rette mektep ashanalarynda problemaly jýynatyn bólmeler men zań buzýshylyqtar týraly habarlaǵandardyń anonimdigine kepildik beriledi jáne olar týraly aqparattar jariia etilmeidi.
Buǵan deiin ministrlik birqatar oblystyń ákimdikterine aýladaǵy dárethanalardy joiý jáne mektepterdi balalardy qorǵaý úshin dabyl túimelerimen, beinekameralarmen jáne basqa da qaýipsizdik júielerimen jabdyqtaý boiynsha jumys júrgizbegen laýazymdy tulǵalardy jaýapqa tartý týraly hat joldaǵan bolatyn.
