Petropavlda jetim qyzdan marqum anasynyń nesiesin óndirý isi sotqa jetti, dep habarlaidy ult.kz.
Sn.kz saitynyń málimetinshe, Petropavl qalasynda kommertsiialyq bank 11 jastaǵy jetim qyzdan qaitys bolǵan anasynyń 90 myń teńge kólemindegi tutynýshylyq nesiesin óndirip alýdy talap etip, sotqa júgindi.
Belgili bolǵandai, 5-synyp oqýshysynyń anasy bir jyl buryn infarkt saldarynan kóz jumǵan. Onyń artynda ótelmegen nesie qaryzy qalǵan. Osyǵan bailanysty kámeletke tolmaǵan qyz azamattyq is boiynsha jaýapker retinde tanylǵan.
Sot otyrystaryna oqýshynyń ózi qatyspaidy. Onyń múddesin týǵan ápkesi ári zańdy qamqorshysy Zinaida M. qorǵap júr.
Al bank ókili Asel Esentaevanyń aitýynsha, qarjy uiymy qaryz alýshy qaitys bolǵannan keiin aiyppuldar men ósimpuldardy tolyq esepten shyǵarǵan. Sondyqtan sot arqyly tek negizgi qaryz somasyn ǵana óndirip alýdy surap otyr.
Qazir is sottyń qaraýynda. Al qyzdyń týystary bul talap-aryzdyń saldarynan jetim balanyń jalǵyz baspanasynan aiyrylyp qalý qaýpi bar ekenin aityp, alańdaýshylyq bildirýde.
