پەتروپاۆلدا جەتٸم قىزدان مارقۇم اناسىنىڭ نەسيەسٸن ٶندٸرۋ ٸسٸ سوتقا جەتتٸ, دەپ حابارلايدى ult.kz.
Sn.kz سايتىنىڭ مەلٸمەتٸنشە, پەتروپاۆل قالاسىندا كوممەرتسييالىق بانك 11 جاستاعى جەتٸم قىزدان قايتىس بولعان اناسىنىڭ 90 مىڭ تەڭگە كٶلەمٸندەگٸ تۇتىنۋشىلىق نەسيەسٸن ٶندٸرٸپ الۋدى تالاپ ەتٸپ, سوتقا جٷگٸندٸ.
بەلگٸلٸ بولعانداي, 5-سىنىپ وقۋشىسىنىڭ اناسى بٸر جىل بۇرىن ينفاركت سالدارىنان كٶز جۇمعان. ونىڭ ارتىندا ٶتەلمەگەن نەسيە قارىزى قالعان. وسىعان بايلانىستى كەمەلەتكە تولماعان قىز ازاماتتىق ٸس بويىنشا جاۋاپكەر رەتٸندە تانىلعان.
سوت وتىرىستارىنا وقۋشىنىڭ ٶزٸ قاتىسپايدى. ونىڭ مٷددەسٸن تۋعان ەپكەسٸ ەرٸ زاڭدى قامقورشىسى زينايدا م. قورعاپ جٷر.
ال بانك ٶكٸلٸ اسەل ەسەنتاەۆانىڭ ايتۋىنشا, قارجى ۇيىمى قارىز الۋشى قايتىس بولعاننان كەيٸن ايىپپۇلدار مەن ٶسٸمپۇلداردى تولىق ەسەپتەن شىعارعان. سوندىقتان سوت ارقىلى تەك نەگٸزگٸ قارىز سوماسىن عانا ٶندٸرٸپ الۋدى سۇراپ وتىر.
قازٸر ٸس سوتتىڭ قاراۋىندا. ال قىزدىڭ تۋىستارى بۇل تالاپ-ارىزدىڭ سالدارىنان جەتٸم بالانىڭ جالعىز باسپاناسىنان ايىرىلىپ قالۋ قاۋپٸ بار ەكەنٸن ايتىپ, الاڭداۋشىلىق بٸلدٸرۋدە.
