Shyǵys Qazaqstan oblysynda sońǵy 5 jyl ishinde eksportqa baǵyttalǵan 38 óndiristik nysan ashylady, dep habarlaidy "Ult aqparat".
Óńirde 2025 jylǵa deiingi kásipkerlikti qoldaý kartasyna 11,3 myń jańa jumys oryndaryn quratyn 38 joba engizildi. Bul týraly oblys ákimi Danial Ahmetov halyqqa esep berýinde aitty.
«2020 jyly 37,5 mlrd teńgege 5 joba iske asyryldy. Onyń ishinde barynsha mańyzdysy jylyna 200 tonna ýran ónimdiligimen AES arnalǵan jylý bóletin quramalar shyǵaratyn zaýyttyń qurylysy boldy. Biyl 3 myńnan astam jumys ornyn ashýǵa múmkindik beretin, quny 498 mlrd teńgeni quraityn 14 investitsiialyq jobany júzege asyrý josparlanyp otyr», - dedi aimaq basshysy.
Tarbaǵatai aýdanynda qýattylyǵy jylyna 25 mln tonnaǵa deiin ken óndiretin Qyzylqaiyń ken ýchaskesinde ken baiytý kombinatyn salý josparlanǵan. «Qazmyrysh» JShS-men birlesip elektrolittik tásilmen myryshty alý boiynsha zertteý jelisi quryldy.
«Óńirde shaǵyn jáne orta bizneske basty nazar aýdarylýda. 2020 jyly ShOB-tan biýdjetke tólemder túsimi 119%-ǵa artyp, 14,1 mlrd teńgeni qurady. «Biznestiń jol kartasy-2025» memlekettik baǵdarlamasy aiasynda oblys sýbsidiialanǵan jobalar sany boiynsha 3-shi orynda tur. «Aq niet» jeńildetilgen nesielendirýdiń óńirlik baǵdarlamasy sheńberinde barlyǵy 7,2 mlrd teńgege 154 joba qarjylandyryldy», - dedi Danial Ahmetov.
