شىعىس قازاقستان وبلىسىندا سوڭعى 5 جىل ٸشٸندە ەكسپورتقا باعىتتالعان 38 ٶندٸرٸستٸك نىسان اشىلادى, دەپ حابارلايدى "ۇلت اقپارات".
ٶڭٸردە 2025 جىلعا دەيٸنگٸ كەسٸپكەرلٸكتٸ قولداۋ كارتاسىنا 11,3 مىڭ جاڭا جۇمىس ورىندارىن قۇراتىن 38 جوبا ەنگٸزٸلدٸ. بۇل تۋرالى وبلىس ەكٸمٸ دانيال احمەتوۆ حالىققا ەسەپ بەرۋٸندە ايتتى.
«2020 جىلى 37,5 ملرد تەڭگەگە 5 جوبا ٸسكە اسىرىلدى. ونىڭ ٸشٸندە بارىنشا ماڭىزدىسى جىلىنا 200 توننا ۋران ٶنٸمدٸلٸگٸمەن اەس ارنالعان جىلۋ بٶلەتٸن قۇرامالار شىعاراتىن زاۋىتتىڭ قۇرىلىسى بولدى. بيىل 3 مىڭنان استام جۇمىس ورنىن اشۋعا مٷمكٸندٸك بەرەتٸن, قۇنى 498 ملرد تەڭگەنٸ قۇرايتىن 14 ينۆەستيتسييالىق جوبانى جٷزەگە اسىرۋ جوسپارلانىپ وتىر», - دەدٸ ايماق باسشىسى.
تارباعاتاي اۋدانىندا قۋاتتىلىعى جىلىنا 25 ملن تونناعا دەيٸن كەن ٶندٸرەتٸن قىزىلقايىڭ كەن ۋچاسكەسٸندە كەن بايىتۋ كومبيناتىن سالۋ جوسپارلانعان. «قازمىرىش» جشس-مەن بٸرلەسٸپ ەلەكتروليتتٸك تەسٸلمەن مىرىشتى الۋ بويىنشا زەرتتەۋ جەلٸسٸ قۇرىلدى.
«ٶڭٸردە شاعىن جەنە ورتا بيزنەسكە باستى نازار اۋدارىلۋدا. 2020 جىلى شوب-تان بيۋدجەتكە تٶلەمدەر تٷسٸمٸ 119%-عا ارتىپ, 14,1 ملرد تەڭگەنٸ قۇرادى. «بيزنەستٸڭ جول كارتاسى-2025» مەملەكەتتٸك باعدارلاماسى اياسىندا وبلىس سۋبسيدييالانعان جوبالار سانى بويىنشا 3-شٸ ورىندا تۇر. «اق نيەت» جەڭٸلدەتٸلگەن نەسيەلەندٸرۋدٸڭ ٶڭٸرلٸك باعدارلاماسى شەڭبەرٸندە بارلىعى 7,2 ملرد تەڭگەگە 154 جوبا قارجىلاندىرىلدى», - دەدٸ دانيال احمەتوۆ.
