Atyraý oblysynda eki brakoner ustaldy, - dep habarlaidy Tengrinews.kz saity.
Kúdiktilerden 107 kelige jýyq qara balyq tárkilendi. Bul týraly Jaiyq-Kaspii oblysaralyq basseindik balyq sharýashylyǵy inspektsiiasy habarlady.
Vedomstvo qyzmetkerleri "Ýral" mototsiklin tizgindegen 1986 jáne 1992 jylǵy eki er adamdy toqtatqan. Brakonerler Qurmanǵazy aýdany Jarqos degen jerdegi Sharon ózeniniń jaǵasynda ustalǵan.
"Mototsiklden kókserke, sazan, aqmarqa, taban, móńke, qarakóz tabyldy. Qapshyqtarǵa salynǵan balyqtyń jalpy salmaǵy - 107,5 keli. Balyqpen birge tyiym salynǵan alty tor, úsh ilmek, súimen jáne balta boldy", - dep túsindirdi vedomstvo ókili.
Balyq resýrstaryna keltirilgen shyǵyn shamamen 663 myń 287 teńge bolady.
Brakonerlik deregi QR Qylmystyq kodeksiniń 335-babynyń 3-bóligi, 4-tarmaǵy boiynsha sotaldy tergep-tekserýdiń biryńǵai tizilimine tirkeldi.
