اتىراۋ وبلىسىندا ەكٸ براكونەر ۇستالدى, - دەپ حابارلايدى Tengrinews.kz سايتى.
كٷدٸكتٸلەردەن 107 كەلٸگە جۋىق قارا بالىق تەركٸلەندٸ. بۇل تۋرالى جايىق-كاسپيي وبلىسارالىق باسسەيندٸك بالىق شارۋاشىلىعى ينسپەكتسيياسى حابارلادى.
ۆەدومستۆو قىزمەتكەرلەرٸ "ۋرال" موتوتسيكلٸن تٸزگٸندەگەن 1986 جەنە 1992 جىلعى ەكٸ ەر ادامدى توقتاتقان. براكونەرلەر قۇرمانعازى اۋدانى جارقوس دەگەن جەردەگٸ شارون ٶزەنٸنٸڭ جاعاسىندا ۇستالعان.
"موتوتسيكلدەن كٶكسەركە, سازان, اقمارقا, تابان, مٶڭكە, قاراكٶز تابىلدى. قاپشىقتارعا سالىنعان بالىقتىڭ جالپى سالماعى - 107,5 كەلٸ. بالىقپەن بٸرگە تىيىم سالىنعان التى تور, ٷش ٸلمەك, سٷيمەن جەنە بالتا بولدى", - دەپ تٷسٸندٸردٸ ۆەدومستۆو ٶكٸلٸ.
بالىق رەسۋرستارىنا كەلتٸرٸلگەن شىعىن شامامەن 663 مىڭ 287 تەڭگە بولادى.
براكونەرلٸك دەرەگٸ قر قىلمىستىق كودەكسٸنٸڭ 335-بابىنىڭ 3-بٶلٸگٸ, 4-تارماعى بويىنشا سوتالدى تەرگەپ-تەكسەرۋدٸڭ بٸرىڭعاي تٸزٸلٸمٸنە تٸركەلدٸ.
