Foto: gov.kz
Ulttyq qaýipsizdik komiteti Qazaqstan aýmaǵyna asa iri kólemde sintetikalyq esirtkini kirgizýdiń jáne satýdyń turaqty arnasyn uiymdastyrǵan qylmystyq toptyń jolyn kesti, - dep habarlaidy "Ult aqparat" UQK baspasóz qyzmetine silteme jasap.
Vedomstvo málimetinshe, "mefedron" jáne "alfa-PVP"-ny áleýmettik jeliler men messendjerler arqyly saýdalanǵan. Esirtki jasyryn oryndardyń koordinattaryn berý arqyly betpe bet kezdesýsiz alynyp otyrǵan.
"Jinaqtalǵan bultartpas aiǵaqtardyń nátijesinde Shymkent jáne Qonaev qalalarynda esirtki sindikatynyń uiymdastyrýshysy men úsh kómekshisi ustaldy. Tintý barysynda zańsyz ainalymnan 103 keli sintetikalyq esirtki alyndy", - delingen habarlamada.
Ólimge ákeletin "taýardy" Astana, Almaty, Qonaev, Kókshetaý, Shymkent, Taraz, Qyzylorda jáne Óskemen qalalarynda taratý kózdelgen.
Foto: gov.kz
