100 jylqyny urlady dep sotqa tartylyp, raqymshylyqqa ilikken Rahat Sársenovtyń isinde veterinar da óz nusqasyn aitty, dep habarlaidy ult.kz.
Ol Rýslan Ótepbaiǵa suhbat bergen. Onyń aitýynsha, alpys bas maldyń joq ekenin rastaityn qujatqa qol qoiǵan veterinar rasynda ne qujatqa qol qoiǵanyn bilmei qalǵan.
Óziniń aitýynsha, ol bul qujatqa emes, ekpe salynǵan mal sany týraly qujatqa qol qoidym dep oilaǵan. Orys tilin túsinbegendikten jáne malǵa ekpe salýǵa barǵań soń, shyn máninde qandai qujatqa qol qoiǵanyn bilmei qalǵan.
Aita keteiik, Tájiǵali Eleýovtiń aitýynsha, Rahat Sársenov uzaq jyldar boiy qojalyqta jumys istegenimen, onyń araq ishkenine jáne buǵan deiin birneshe bas jylqynyń joǵalýyna kóz juma qaraǵan. Alaida sońǵy oqiǵadan keiin quqyq qorǵaý organdaryna júginýge májbúr bolǵanyn aitty.
Onyń sózinshe, bul iske bir ǵana adam emes, qylmystyq top qatysy bar. Tipti olardyń biri sot úkimimen jazasyn ótep jatqan kórinedi. Sondai-aq Eleýov áleýmettik jelide taraǵan «Rahat Sársenov tolyq aqtaldy» degen aqparattyń shyndyqqa sáikes kelmeitinin málimdedi.
«Bireýler ony áleýmettik jelide qaralym jinaý úshin “baidan zábir kórgen qaharman” retinde kórsetip otyr», – dedi ol.
