Túrik sýretshisi Melek Zeinep Býlýttyń «OpenWork» atty oryndaýshylyq jáne eksperimenttik keńistiktik installiatsiiasy Respýblikanyń 100 jyldyǵyn merekeleý sheńberinde Stambuldaǵy Atatúrik mádeni ortalyǵynda (AKM) kórmege qoiyldy.
Túrkiiada alǵash ret ashylǵan «OpenWork» kórmesi Atatúrik mádeni ortalyǵyna Túrkiia Respýblikasy Mádeniet jáne týrizm ministrliginiń arnaiy bastamasymen uiymdstyryldy. Buǵan deiin atalǵan installiatsiia Londondaǵy Somerset Haýs aýlasynda kórsetilgen edi. Sonymen qatar 2023 jyldyń maýsymynda London dizain biennalesinde 47 eldiń 22 ýniversitetinen kelgen materialdardan tańdalǵan qoǵamdyq syilyqty jeńip aldy. Sonymen qatar, installiatsiia London dizain festivaliniń 20 jyldyǵyna arnalǵan arnaiy irikteýge engizilip, Temza jaǵalaýyndaǵy «London kókjieginde» kórmege qoiyldy. «Openwork» sonymen qatar «London dizain festivali-2023» Qyzyl kitabynda «Sońǵy 20 jyldaǵy eń yqpaldy jumystar» qataryna endi. Sanattyń qazylar alqasynyń quramyna birneshe tanymal adamdar men uiymdar kiredi, sonyń ishinde London meri men Viktoriia men Albert murajaiy da bar. Melek Zeinep Býlýt abstraktili jáne naqty tájiribege, sondai-aq músindik keńistik pen keńistiktik-instinktivtik tájiribeni taldaýǵa baǵyttalǵan sáýlet, músin, psihologiia jáne minez-qulyq ǵylymdaryn sintezdeitin týyndylar jasaidy. Shyǵarmalaryn qoǵamdyq keńistikte bailanys pen kórinisti qalyptastyrý obektisi retinde ornalastyrý arqyly sýretshi óz shyǵarmalarynda fizikalyq jáne psihologiialyq ólshemdegi vizýaldy qabyldaýdy qamtidy.
