2017 jyly bastalǵan «100 jańa oqýlyq» jobasy máresine jaqyndap qaldy. Bul týraly «Qazaq tilindegi 100 jańa oqýlyq: pragmatizm men sananyń ashyqtyǵyna aparar jol» taqyrybynda ótken onlain konferentsiiada aityldy, dep habarlaidy QazAqparat.
2017 jyly «Bolashaqqa baǵdar: rýhani jańǵyrý» baǵdarlamasynda Elbasy Nursultan Nazarbev álemdegi eń jaqsy 100 oqýlyqty ártúrli tilden qazaq tiline aýdaryp, jastarǵa dúnie júzine tańdaýly úlgilerdiń negizinde bilim alýǵa múmkindik jasaýdy tapsyrǵan bolatyn. 2017 jyly bastalǵan joba máresine jaqyndap qaldy.
«Biyl pandemiiaǵa bailanysty kóp is-shara onlain formatta ótti. «Rýhani jańǵyrý» baǵdarlamasy aiasyndaǵy alǵashqy kezeńde bekitilgen arnaiy 13 jobanyń ishinde Raýan Kenjehanuly basqarǵan qoǵamdyq qor tarapynan úlken jumys júzege asyrylyp, biyl máresine jaqyndap qaldyq. Osy kezge deiin aýdarylǵan kitaptardy stýdentter jaqsy qabyldanyp jatyr. Bul bizdi qýantady, sebebi bul « Rýhani jańǵyrý» baǵdarlamasynyń qolmen ustap kórýge bolatyn jemisi. Osynyń arqasynda aýyldan kelgen jastardyń ana tilinde sapaly bilim alýyna múmkindik týyp otyr», - deidi QR Aqparat jáne qoǵamdyq damý ministrligi Rýhani jańǵyrý baǵdarlamasyn úilestirý departamentiniń direktory Nurlan Kúntýov.
Qazaqstandyq qoǵamdyq damý institýtyna qarasty «Rýhani jańǵyrý» ortalyǵynyń jetekshisi Janar Boqanovanyń aitýynsha, «Rýhani jańǵyrý» baǵdarlamasynda eń sátti iske asqan jobalardyń biri - «Júz jańa oqýlyq» jobasy.
«Osy joba boiynsha naqty tujyrymdama qabyldanyp, naqty maqsat-mindetteri, negizgi kezeńderi kórsetildi. Sol sebepti bul joba sátti iske asty. Sonymen qatar, Ulttyq aýdarma biýrosy ujymynyń jaqsy jumys isteýi negizinde osyndai jaqsy nátije kórip otyrmyz», - deidi ol.
