Qazaq tiline aýdarylǵan 100 jańa oqýlyq elimizdegi 132 oqý ornyna taratylady. Bul týraly «Qazaq tilindegi 100 jańa oqýlyq: pragmatizm men sananyń ashyqtyǵyna aparar jol» taqyrybynda ótken onlain konferentsiiada aityldy, dep habarlaidy QazAqparat.
«Bizdiń ýniversitettiń kitaphanasynda Ulttyq aýdarma biýrosynyń 48 oqýlyǵy bar. Eýraziia ulttyq ýniversitetinde 19 myńnan asa bilim alýshy bar desek, sonyń 60%-nan joǵarysy - qazaq bóliminde oqityndar. Oqýlyqtardy aýdarýǵa bizdiń oqý oryndarynyń ǵalymdary da úles qosty», - deidi L.Gýmilev atyndaǵy Eýraziialyq ulttyq ýniversitetiniń prorektory Dihan Qamzabekuly.
Ulttyq aýdarma biýrosy qoǵamdyq qorynyń atqarýshy direktory Raýan Kenjehanulynyń qazaq tiline aýdarylǵan oqýlyqtar joǵary oqý oryndaryna qalai taratylatyny týraly aitty.
«QR Bilim jáne ǵylym ministrligi bizge 132 oqý ornynyń tizimin berdi. Ár oqý ornyndaǵy stýdentterdiń sanyna, oqýlyqtardyń baǵytyna qarai taratý tártibi bar. Oqýlyqtardy oqý oryndaryna taratý bizdiń moinymyzda. 132 oqý ornynyń ishinde memlekettik oqý orny da, jeke menshik oqý orny da, mamandanǵan arnaiy oqý oryndary da bar. Ár oqýlyqtyń taralymy - 10 myń dana. Kitaphanada oqýlyq jetpei jatqan jaǵdaida smartfonnan ǵalamtorǵa kirip, taýyp oqýǵa bolady», - deidi ol.
.jpeg)