«100 jańa esim» baiqaýynyń tórtinshi kezeńiniń jeńimpazy, Warwick Boring negizin qalaýshy ári bas injeneri Sanjar Taijan mundai tanymaldylyqqa tez jetetinin bilmegen. Arnaiy marapatqa ie bolǵan jas injener óz jetistigi týraly áńgimelep berdi, - dep habarlaidy «Ult aqparat».
Qazir Sanjardyń jasy 23-te. Ol bala kezinen sandarmen jumys istegendi jaqsy kóripti. Kishkentai kezinen kólikterdiń nómirlerin jattap alatyn bolǵan. Keiin mektep qabyrǵasyna kelgende matematika men fizika pánderin súiip oqidy. Bul qushtarlyq Sanjardy úlken jetistikke jeteleidi.
«Sizge bir qyzyq aitaiyn, men 2013 jyly Eshli Venstiń «Ilon Mask: Tesla, SpaceX jáne fantastikalyq bolashaqty izdeý» atty kitabyn oqydym. Bul kitap álemge áigili kásipkerdiń ómiri týraly kitap edi. Osydan keiin men injenerlikke qyzyǵyp, osy jolǵa birjola bet burdym. Al ózim oqyǵan Masktiń «bizdiń árqaisymyz álemge óz salamyzda jańa nárse berýimiz kerek dep esepteimin» degen sózin ózime tumar etip taǵyndym da, men ne bere alamyn degen suraqtyń jeteginde jumys istedim», - deidi Sanjar Taijan.
Osylaisha ol 2015 jyly Kembridjdegi Bellerbys kolledjiniń A deńgeiine oqýǵa túsedi. Odan keiin eki jyldyq baǵdarlama ary qarai álemniń jetekshi ýniversitetterine qujattardy tapsyrýǵa múmkindik berdi. 2017 jyly ol Ulybritaniianyń úzdik 10 ýniversitetine kiretin Ýorik ýniversitetine jáne QS málimeti boiynsha álemdegi úzdik 60 ýniversitettiń qataryna kirdi.
«Osyndai jetistikterim meniń ata-anamdy ǵana emes, elimdi de qýanta bastady. Bul maǵan shabyt syilady. Osylaisha úlken komandamen alǵa qoiǵan maqsatqa jete bastadyq. Biyl «100 jańa esim» jobasyna usynylyp, eńbegimizdiń arqasynda jeńimpaz bolyp jatqan jaiymyz bar. Men bulai tez tanymaldylyqqa ie bolamyn dep oilaǵan joq edim. Bári óz retimen, qyzyq oryndalyp kele jatyr. Meni osy ataqqa laiyq dep tanyǵan elime zor alǵysymdy bildiremin», - deidi Sanjar Taijan.
Aita keteiik, «100 jańa esim» jobasy 2017 jyldan bastap «Rýhani jańǵyrý» baǵdarlamasy aiasynda básekege qabilettilik, pragmatizm men bilimge tabyný ideialaryn ártúrli mamandyqtaǵy naqty adamdardyń arqasynda iske asýda. Tórt jyldyń ishinde jobaǵa 7 myńnan astam adam qatysty, olardyń 163-i jeńimpaz atandy. 46-sy – almatylyqtar. Baiqaýdyń tórtinshi kezeńinde barlyq jeti sala boiynsha («Qoǵam», «Mádeniet pen sport», «Meditsina», «Ǵylym men innovatsiia», «Biznes», «Ekologiia» men «Bilim») úsh myńǵa jýyq qazaqstandyq ótinim bergen, arasynda 9 almatylyq finalis bar. Oǵan kásipkerler, ǵalymdar, jýrnalister, sportshylar, muǵalimder men eriktiler qatysqan.
Biyl Almaty qalasynan «100 esimge» engenderdiń ishinde QazUAÝ halyqaralyq vaktsinologiia ortalyǵynyń direktory, professor Qaisar Tabynov, jańashyl ári tabysty kásipker Tair Batalov, professor, jýrnalist ári «Turan-TV» telearnasynyń júrgizýshisi, Abylaihan atyndaǵy QazHQjÁTÝ oqytýshysy Madina Áshimova, fotograf, «OKO STUDIO» negizin qalaýshy Daniiar Sárseiuly, AQSh-taǵy hokkei klýbynyń jattyqtyrýshysy, Princeton Tiger Lilies komandasynyń bas jattyqtyrýshysy, sportshy ári hokkei shabýylshysy Bulbul Kartanbai, startaper, Warwick Boring negizin qalaýshy ári bas injeneri Taijan Sanjar, himiia pániniń muǵalimi, japondyq anime «Narýto» arqyly mektep páninen sabaq beretin Ulan Úsenov, Kzphdgirlsunion eriktiler jobasynyń negizin qalaǵan, Carl Zeiss kompaniiasyndaǵy ekstremaldy ÝK-liftografiia salasyndaǵy ǵalym Ámina Mirsakieva jáne AQSh-taǵy Qazaq time jobasynyń júrgizýshisi Daniiar Qojan bar.
Esterińizge sala keteiik, bizdiń búgingi keiipkerimiz «100 jańa esim» baiqaýynyń tórtinshi kezeńiniń jeńimpazy, Warwick Boring negizin qalaýshy ári bas injeneri Sanjar Taijan mundai tanymaldylyqqa tez jetetinin bilmegen. Arnaiy marapatqa ie bolǵan jas injener óz jetistigi týraly áńgimelep berdi. Onyń aitýynsha, 2013 jyly Eshli Venstiń «Ilon Mask: Tesla, SpaceX jáne fantastikalyq bolashaqty izdeý» atty kitabyn oqyǵan. Bul kitap álemge áigili kásipkerdiń ómiri týraly kitap edi. Osydan keiin ol injenerlikke qyzyǵyp, osy jolǵa birjola bet burǵan. Al ózi oqyǵan Masktiń «bizdiń árqaisymyz álemge óz salamyzda jańa nárse berýimiz kerek dep esepteimin» degen sózin ózime tumar etip taǵynyp, men ne bere alamyn degen suraqtyń jeteginde jumys istegen.
