Memleket basshysynyń Qazaqstan halqyna Joldaýynda jastardy jumyspen qamtý máselesin kóterdi. Sondai-aq jastardyń kásipkerlik bastamalaryna qoldaý kórsetý jalǵasady. Bul týraly Túrkistan oblysynyń Óńirlik kommýnikatsiialar qyzmeti alańynda QR Eńbek jáne halyqty áleýmettik qorǵaý ministri Tamara Dúisenova habarlady.
Ministrdiń aitýynsha, Áleýmettik kodekste jastardy jumyspen qamtý memleket, jumys berýshi, iaǵni jumyspen qamtylatyn azamattyń jaýapkershiligi qaǵidatymen júrgizý qarastyrylmaq.
«2000 jyldan keiin týǵan jastar búginde eńbek jasyna jetip jatyr. Sondyqtan jalpy jumys kúshiniń 56%-y 1987 jyldan keiin týǵan jastar bolsa, 2030 jylǵa qarai jalpy jumys kúshiniń deni osy jastardyń esebinen bolady. Áleýmettik kodekste birinshiden jastardy jumysqa tartý boiynsha sharalar qarastyrylǵan. Mysaly, jyl saiyn 100 myńnan astam jastar memleket tarapynan sýbsidiialanatyn jumys oryndaryna tartý. Sondai-aq, kásipkerlikke yntasy bar jastarǵa 2,5%-dyq jeńildetilgen qaitarylatyn nesie berý», - dedi T. Dúisenova.
Ministr budan bólek, múmkindigi shekteýli, biraq kásipkerlikke yntasy bar jastarǵa beriletin granttar odan ári jalǵasyp otyrǵanyn aityp ótti.
«Bul rette, olarǵa beriletin qarjynyń somasy biyl 1,2 mln-nan asty. 2023-2025 jj. arnalǵan biýdjette osy máseleler boiynsha 300 mlrd teńge jýyq qarajat kózdelgen. Qujat Májiliste qaralyp jatqan biýdjet jobasynyń aiasynda qaralady», - dedi T. Dúisenova.
Ministr baspasóz brifinginde jýrnalisterdiń suraqtaryna jaýap beredi.
Eske sala ketsek, 12-13 qazan kúnderi QR Eńbek jáne halyqty áleýmettik qorǵaý ministrliginiń arnaiy mobildi toby Túrkistan oblysynyń Qazyǵurt, Shardara, Keles, Sozaq aýdandarynda jáne Kentaý qalasynda aqparattyq-túsindirý jumystaryn júrgizdi.
