Eki ai – 31 qazanǵa deiin Pavlodar oblystyq memlekettik kiris departamentiniń basshysy Ernur Baiǵurmanov tergeý izoliatorynda bolady, dep habarlaidy pavlodarnews.kz.
Para alýǵa kúdikti sheneýnikti qamaýǵa alý jóninde sanktsiiany búgin óńirlik tergeý soty shyǵardy.
- Sotqa deiingi tergeý QR QK 4 bólimi, 366 tarmaǵy boiynsha – qylmystyq top bolyp asa iri kólemdegi para jóninde bastalǵan bolatyn, - dedi sotta.
Tergeý boiynsha, Ernur Baiǵurmanov 100 myń AQSh dollary kóleminde para aldy dep aiyptalǵan. Belgili bolǵandai, onymen birge eki áriptesi ustalǵan.
Tergreý boiynsha, Ekibastuzdaǵy bank jáne birqatar kommertsiialyq uiymdar jáne kómir óndiretin kásiporyn kiretin «Zaman» tobynyń jetekshisi Tasbolat Abǵojinovtyń ótinishi arqyly úsh memlekettik qyzmetker ulttyqbiýro ókilderiniń nazaryna túsken. Tergeý sotynda bolǵan kúdikti óz kinásin moiyndamady. Onyń advokaty Rýslan Janqabaev kúdikti tergeý isine ózi aralasqysy keletinin jáne ata-anasynyń 20 mln teńge turatyn baspanasyn «kepil» retinde qaldyryp, bosatýdy talap etetinin jetkizdi. Alaida, sot ol talapty qabyldamady.
Eske salaiyq, Ernur Baiǵurmanov Pavlodar oblystyq memlekettik kiris departamentin bir jyldan beri basqarady. Baiǵurmanovtyń otbasynda eki kámelettik jasqa tolmaǵan bala bar. Úlkeni 13 jasta.
