© Photo : Pexels / Tima Miroshnichenko
Germaniia Federativtik Respýblikasynan Qazaqstanǵa asa iri kólemdegi alaiaqtyq jasaǵany úshin qylmystyq jaýapkershilikke tartylǵan kúdikti ekstraditsiialandy, dep habarlaidy Bas prokýratýra.
Ol 2023 jyldyń qańtar aiynda eki sybailasymen aldyn ala sóz bailasý arqyly qazaqtyń jumsaq bidaiynyń iri partiiasyn jetkizemiz degen jeleýmen jalǵan seriktestik quryp, alaiaqtyq jolmen kásipkerdiń jalpy somasy 100 million teńgeden astam qarajatyn iemdenip alǵan.
Qylmystyq qýdalaý organdary sottalýshylardyń birin ustady. Qalǵan ekeýi izin sýytyp úlgergen bolatyn. Sondyqtan olarǵa halyqaralyq izdeý jariialanǵan.
Kúdiktiniń biri jedel izdestirý sharalarynyń nátijesinde ótken jyldyń qazan aiynda Germaniianyń Niýrnberg qalasynda anyqtaldy.
Osydan keiin Qazaqstannyń Bas prokýratýrasynyń suraýy boiynsha sottalýshy óz eline ekstraditsiialandy.
Qazir ol ýaqytsha ustaý izoliatorynda.
Qylmyskerdiń múlki tárkilenip, bes jyldan on jylǵa deiin bas bostandyǵynan aiyrylýy múmkin.
