Belgisi saiasatker, qoǵam qairatkeri Bekbolat Tileýhan taǵy bir málimdeme jasady, - dep habarlaidy Massaget.kz.
"Men Ystambuldamyn. Bireýler aitqandai qashyp júrgen joqpyn. Men nege qashýym kerek? 29 jeltoqsanda Parlamentten resmi túrde kettim. El ony nege umytyp qaldy, bilmeimin", - deidi ol.
Sonymen qatar, Bekbolat Tileýhan ózine jala japqandarǵa ún qatty.
"Azamattyq memleket bolǵandyqtan sotta kezdesip, osy máselelerdi talqylaýǵa týra keledi. Sotqa beremin. 100 million talap etemin dep oilap otyrmyn. Onyń bárin, bir tiynyn da qaltama baspaimyn. Qazaqstan halqyn qoldaý qoryna jiberemin, sosyn otandastarǵa jibergim keledi. Bir qazaq bolsa da, syrttan keletin qazaqtarǵa kómek retinde jiberemin", - deidi saiasatker.
Aita keteiik, jaqynda áleýmettik jelilerde Bekbolat Tileýhan Túrkiia azamattyǵyn alýǵa ótinish bergeni týraly habar taraǵan bolatyn. BAQ-tar aqparatty derekkózge silteme jasap jariialaǵan edi.
Tileýhan bul jalǵan aqparat ekenin aityp, ony taratqandardy sotqa beretinin málimdegen bolatyn.
